[ بكائية ] في فقد البدر ..

[خالد العلي]

المشاركة الأصلية كتبت بواسطة خالد صالح الحربي

:
محاولة للكتابة في فقد " البدر ".
معلمنا الذي شكّل ذاكرتنا / من خلال وجوده في الحياة .
___________________________

:
الليلة الليلة يفوز الدجى والظلام
.. . الليلة .. تمرّ ؛ لكن ماهي بـ " هيّنة ".

الليلة احتاج أكثر من حمامة سلام
.. . الليلة أحتاج " فكرة " جدّا : حنيّنة !

لعلّ روحي تماسك وأتهادى وأنام
.. . مادامها ليلةٍ .. من مغرب مطيّنة !

غاب البدر وبغيابه لو يضيع الكلام
.. . أو مايضيع الخسارة : " بينة بيّنة " !

اللي فقدناه ماهو آدمي جوف خام
.. . بعض الخساير وربي ماهي هويّنة .

به شيء من ذاكرتنا اعتراه الحطام
.. . وكنّا نحسب إنّها .. مخضرّة وليّنة .

فلا علينا السلام ولا علينا الملام
.. . لو ماسلينا وقلنا : الصبر من عيّنه ؟!

والله ما يْمرّ من مثله مرور الكرام
.. . كريمٍ ؛ ذنوبنا في غيبته .." ديّنه " !

يافوح كبدي على فقده وقلبي عظام
.. . من قسوته مابه اللي مَرّه وفيّنه".

:

ما ارثيه انا ابكيه ؛ وآغنّيه بدر التمام
.. . ياعلّه بـ " جنّةٍ خضراء " ومزيّنة .

أدري شموعي معه صارت ذبالة ظلام
.. . لكنها حالةٍ ماهي ترى : "هيّنة " !

🌹

"
"
( الصبر من عينه ) ؟؟!!

.. الصبر والسلوان ..

هذه البكائية فيها من الامتنان لـ ( البدر رحمه الله ) مالم يكتب بعد ..

انت يا ابو وطن
( الشاعر البار ) و ( المنصف ) والمعبر عن قلوب أحبت البدر بكل صدق .

( اللي فقدناه ماهو آدمي جوف خام
بعض الخساير وربي ماهي هوينة )

لا والله ماهي هوينة

لكل من أحب البدر

رحم الله البدر وأسكنه الله الفردوس الأعلى
عظم الله أجرك وألهمك الصبر والسلوان ..



ياحبني لك ياابو وطن .
.
.