ليل جابك

[نوف مطير]

هالسهر صافحني بـ ذكرى غيابك
‏وكل حزنٍ هبّت ارياحه عتيّه

وليل يتنفّس ظلامة من سرابك
اطرده لو بعثر جْروحٍ خفيّه

سـْنتين اليوم عن رحلة ذهابك
واه من درب الموادع صعب طيّه

اشكي لـ من عن شعور بليل جابك
والحنين البارحه ما هو شويّه

كل ضلعٍ حافظك فيني طرا بك
في قصيدي والمشاعر لك سخيّه

وكل طاري يحمل اسمك فكّ بابك
وما هنيتك نوم واشواقي وفيّه

عاد قلبي تضعفه ريحة ثيابك
‏وعاد غصن القلب وفروعه نديّه

 

[زايد الشليمي]

نوف .. مطير

:
سهولة الصعب ...
وصعوبة السهل
بينهما ... تتأرجح ... تقرأ
ويغيب الوعي ... فتقودك
الى .. الدائرة المستقيمة
:
نوف :
الله يسامحك




:

 

[نوف مطير]

المشاركة الأصلية كتبت بواسطة زايد الشليمي

نوف .. مطير

:
سهولة الصعب ...
وصعوبة السهل
بينهما ... تتأرجح ... تقرأ
ويغيب الوعي ... فتقودك
الى .. الدائرة المستقيمة
:
نوف :
الله يسامحك




:

الله يرفع قدرك ويعزّك
وشكراً لهذا الظن الطيّب🙏🏻

 

[نوف الناصر]

عاد قلبي تضعفه ريحة ثيابك
‏وعاد غصن القلب وفروعه نديّه



ما بين الغياب والحنين .. تناثرت حروفك شعراً

جميلة يا السمية 🤍

 

[عبدالإله المالك]

قد نرضى بالسهر ما دام يقدم لنا نصوصًا جديرة بالاهتمام
حييت يا نوف

 

[تفاصيل منسيه]

السهر صافحني بـ ذكرى غيابك
‏وكل حزنٍ هبّت ارياحه عتيّه
..
صح لسانك ,, ومسائك بـ رقة كلماتك وجمالها..
بإنتظار جديدك