ثمر شعري ..!

[صفوق شامان]

ينزف شعوري معاني دمها صبري
وذا قضى نزف صبري تنزف ادروبي*
ماذقت موتي ولاكن شايف ٍ قبـري
الله يالـه مـشافٍ ٍ تـوب اذنـوبـي*
ماتـت سنينـي قبـل لاينولـد عمـري
لين انحصد كل حلم ٍ مورق ٍ صوبي*
حتى العصافير ملت من غصن صدري
من يوم جف الحنين .. ومدد اغروبي
مخيـط الشعـر ثوبـي بـس مايـدري
وشلون لو يدري الي مخيطـه ثوبـي*
ذنب الصراحه تناما في نخـل عـذري
وارويت من نبع عيني حلو مشروبـي*
ياتوت حضي متى بك ينفطـم فقـري
وتهز همي اليـن يـذوب عذروبـي*
يامـا تفاصيـل ليلـي رضعـت فجـري
حليـب الاوهـام لجـل تفجـر اسلوبـي*
اعيوبي اني غدرت الـذل مـن صغـري
وان كان هذي اعيوبي يسعد اعيوبـي*
يمكن برى الجرح يمكنه نسى يبـري
يمكن نسى انـه ابـد ماكـان محبوبـي*
طشرتني للزمـان ورحـت ياكثـري
واخفيت باقي فتاتي داخـل اجيوبـي*
دايم وانا امشي احس ان شي ما يجري
مقلوب انا صرت ولاالوقـت مقلوبـي*
ذق هاك يالي تبي تاكل ثمـر شعـري
مبطي شجر هالقوافي ماثمـر اقلوبـي*
رطب هجيني على تفاح مـن صخـري
وكمثر هلالي على رمـان مسحوبـي*
وياللي تقولون بدري مابقـى بـدري
اليوم ابا اواجه هروبي مـع هروبـي*
كان المراجل تعلـي للرجـل قـدري
الـي نـزل لايقـول لغيـره ارقوبـي

 

[سعيد الموسى]

حتى العصافير ملت من غصن صدري
من يوم جف الحنين .. ومدد اغروبي

-

هذا البيت كافٍ ليوصلنا لنشوة الشعر ..
رائع ياصفوق

 

[صفوق شامان]

اسعدني ردك وودك

شكرا ياسعيد 🌹

 

[صفوق شامان]

اسعدني ردك وودك

شكرا ياسعيد 🌹

 

[سيرين]

لهذا الثمر عطر يفوح بالصور البلاغية
التي تلألأت ابداعا أسر الذاءقة
دمت غدقا شاعرنا المبدع صفوق شامان
مودتي والياسمين

،،

 

[نوف الناصر]

•
ماتـت سنينـي قبـل لاينولـد عمـري
لين انحصد كل حلم ٍ مورق ٍ صوبي*
حتى العصافير ملت من غصن صدري
من يوم جف الحنين .. ومدد اغروبي


الله عليك أستاذ شامان
أثمرت شعراً وجئت بهِ هنا لقطفه

حرفك مورق 👏🏻