مغامرات آل أصيلة ... ؟!!

[أصيله المعمري]

مرحبا الساع هلا والله
شخباركم؟؟ كيف الصيف وياكم؟؟
يا الله حي آل أبعاد كلهم
خاصه السعوديين منهم خخخخخ
لا والله كلهم على رأسي
بس أحب أمزح
ع قولة المثل واللي ما يعرف الصقر يشويه
ما أدري شو دخله بالموضوع
بس المهم اني مثقفة وأعرف أقول أمثال خخخخ
طبعاً أنا اليوم جايه لكم بمغامرات آل أصيله وخاصه أيام الصيف
لأنه بالصيف تستوي بلاوي من الخاطر
يعني أكون متجمعه ويا العايله كلها في أبوظبي
يعني تطلع أنوااااع الكول هناك
فاليوم خلوني أحط لكم بعض مغامراتنا
طبعاً في منها وايد وايد خطيره وما أقدر أحطها نظرة للمصلحة العامة
مدري ويش يخص المصلحه العامه هنا خخخخخ
اقصد يعني مغامرات ممنوعة من النشر
نظراً لوجهة نظر الناس اللي تعاونت معاهم في المغامرة
وبصراحه بعض المغامرات لو صرحت بها بروح في داهيه
لأنه أغلب الأهل يدخلون
ويا بنت يا أصيله بتسيري في داهيه

*
*
*
أتمنى أنه تكون لهجتي وااااضحه
*
*
*

 

[أصيله المعمري]

المغامرة الأولى

هذا الله يسلمكم في يوم من الأيام القليلة الماضية
كنا طالعين رحلة بحريه لجزيرة الريم بأبوظبي
وعاد أنتو تعرفون أجواء الرحلات البحرية
نكون كلنا متجميعن مع بعض
اللي بالـ (scoter ) واللي على الجزيره يلعب كورة طائرة
واللي مقابل زوجته وعياله
واللي داقه سوالف
واللي يشوي لحم ويحاتي بطنه
واللي واللي حركات واااااايد
(أنا ما سويت شي)
أنا طبعاً بنت هادئه وما أسوي سوالف ربشه
قمت وشرت على بنت خالتي وأختي وقلت لهم يا جماعه ودكم بمغامره والا لا....
قالوا: ودنا
قلت أجل خلوها علي
قمنا أنا وبنت خالتي وسرقنا حبة زقاير من باكيت زقاير زوج خالتي
يعني سرقنا ولله الحمد
والحمد للله انه هو ما لاحظ انه شي نقص
أخذنا حبة الزقاره
(على قدنا ما استوينا طماعييين ،، وحده وراح نتقاسمها )
عاد إذا أصول طاعت تقاسم أحد !!!! ههههه
المهم
وجبنا ولاعه
وانتظرنا لحد ما رجعنا البيت
وأنا ما كنت خايفه
بس كنت وايد حريصه على شنطتي
لأنه لو أحد فتحها وشاف زقاير
لا بروح وراء الشمس خخخ

فـ لما رجعنا
رمينا الزقاره
لا
لا
لا



ما رميناها وش رميناها

إلا ولعنا
ودخنا وصورنا كمان الجريمه
عاد أنا أقول لـ بنت خالتي
سكري حلجك وخلي الدخان يطلع من الخشم خخخخخخ
(خبرة الظاهر)
لا والله بس في الأفلام كذا
على العموم
متنا سعال وكحه
ودخنا شوي
وصورنا
وهمس الحزن كانت خوافه وايييييييييد بصراحه
وهي حلقه أضعف بـ شلتنا
وشكلي بعمل لها طرد
المهم
جربت التدخين
وطلع مو شي
ما حلو
عادي يعني
ما حسيت بشي
شفطنا وشفطنا
بس عااادي
طبعاً بعدين شلنا كل آثار الجريمة بطريقتنا الخاصه
وسوينا بخور عشان تروح الريحه
بس مقطع الفيديو باقي !!
وكل ما شفناه متنا ضحك!!!

 

[أصيله المعمري]

المغامرة الثانية

في يوم من أيام الله
كنا سهرانين
ونومنا متلخبط
يعني القومة تقريباً كانت الساعه 12 بالليل
والجوع ما يرحم بني آدم
الشغالات خلاص مقفلات
نايمات
وأحنا ندور على كبر البيت ويوعانين
ولو طلبنا طلبية بتجي متأخرة
وما فينا قوه ندخل المطبخ ونسوي لقمه
لأنه ما لنا خلق
ترى أعرف أطبخ أعرف
بس أحياناً المزاج
تعرفون يعني حركات
وهيك شي

*
*
المهم كانوا كل الشباب طالعين سهرانين ومحد في البيت منهم
وأبوي والناس الكبار كانوا في العزبه ذاك اليوم بـ يباتوا عشان كان weekend وقتها
وأمي ويدوه وخالاتي كانوا تحت سهرانين لسى
جاني طيش ( اسوق اسوق وقتها)

قمنا وأخذنا سويك سيارة خالوووه وبدون ما تعرف
ولبسنا وكشخنا
وطلعنا بسيارتها
طبعاً أعرف اسوق
بس ما معاي ليسن
أخذنا ليسن خالوووه الثانيه وبدون ما تعرف بعد خخخخ
عشان نكذب لو مسكونا التحريات
المهم
ذاك اليوم طلعنا
أنا اسوق
وبنت خالتي جنبي
وهمس الحزن ونعوم اللي هي بنت خالتي الثانيه وراء خخخخ
ناس صغيره تعرفون يعني خخخخ
المهم
والله بس كل ما اتذكر هالمغامره بالذات اموت من الضحك
وتخيلو الساعه كانت كم يعني
المهم
ولا بعد مطولين على المسجل
بس ما فتحنا الدرايش
قمنا ورحنا كنتاكي وطلبنا
ومرينا على باسكن روبنز وطلبنا كمان
يعني عيد عيد
نسوق ومحد له دخل فينا
وبصراحه انا وقتها كنت كلي خوف
اني اقابل احد يعرفنا
او يعرف السياره
لانه بروح فيها
الحمد لله
المسألة عدت على خير
ومحد شافنا
مرينا بعد دكان الحاره وشرينا خفايف
والطلبيات في حضن همس خخخ
ووصلنا البيت بعد ما مشينا بكل احترام
وبكل احترام
في شوارع بوظبي
ورجعنا البيت ومحد عرف
تخيلوووو
والله أنا بس أحمد ربي
أنه كانوا الشباب بعدهم ما راجعين
والا كان انتو حاضرين جنازتي من زمان





*

 

[أصيله المعمري]

ترى والله أنا بنت هادئه وحبوبه
وما اسوي شطانه
بس الشيطان مالي عليه حركات


ساعود وبكمل باقي المغامرات
والله يستر من الجاي


وأنا كمان انتظر مغامراتكم!!!

 

[أصيله المعمري]

والله ميته ضحك
أنا شو سويت


يا جماعه
كل واحد بعد ما يقرأ
يعمل فورمات لمخه
عشان يشيل هالأفكار من باله


خخخخخخخخخخخخخخخخخخخخخ




حاسه اني بروح فيها

 

[شوق]

بس بصراحة مغامرات

لها ذكرى حلوه مع مرور الوقت

وإن شاءالله ننتظر المغامرات القادمة

بشوق لانا بحاجة لكي نستمتع وقليل من الوقت

للمواقف مضحكة تساعدنا على التفكير بطريقة هاذئة

أشكرك غاليتي أصلية على مااستمتعنا فيه هنا

كل الود

 

[حنان عسيري]

,


,


ولا أروووووع


يخرب بيتك يا شيطونة ما احلى مغامراتك
طالعة من قلب

 

[حسين العتيبي]

احرق الروح قبل ماتروحين (خشه عربجي)




اصيله حاولي مره ثانيه تاخذين زقارة ملبورو احمر انشديني يوديك ورا الشمس





سوالف حلوه بس اص لاتجيبين طاري السواقه ترا ربعنا هنا متلهفين :014: