الشيخ مشاري بن طواله

[عبدالله البطي]

الشكر موصول الى صاحب المهمات الصعبة
الشيخ مشاري الطواله

على كل ماقدم لي شكرا لاتكفي لسموك


انا ولد عمي لياعقت بأمر
الكايده لو هي عسيره طالها
من يزبنه ماخاب عود بالظفر
لا لجت الغبنه عمد لاثقالها
الوقت درسنا وعلمنا عبر
والقرم مثله لاحدت يعنالها
على الجريد الي على غصن الثمر
سجلت ندر فالبيوت اجزالها
قالولي اصبر قلت يا مر الصبر
الي يكسر فالضلوع امالها
ماطعتهم يوم ابتدى وجه الخطر
اقدم لها الزيزوم وسنع بالها
يامرحبا واعداد ماهل المطر
على العروق وفوق كل اطوالها
على الديار الي بها بن وجمر
والنار للضيفان طال اشعالها
تذبح اجزال الحيل وللحسنه مقر
والدار تفخر في يدين ابطالها
دايم على المعروف مجبوله ذكر
بالطيب لابه ساميه بافعالها
ماينحصي ذكر الاجاويد بسطر
لكن بدع القاف حصر اولالها
لو الثنا للطيب والطيب مهر
ماشفت مدح الا لفعل ارجالها
ما احقر السبع القبايل او امر
على العرب في شي شين حالها
قدامنا بالحق ميعاد وقبر
وكلن شهيد الكلمة الي قالها
مشاري الطواله ليامنه حضر
كل كربتن عسرى فهو حلالها
من يزبنه ماخاب عود بالظفر
لا حولت له اشهد انه طالها