هجــ الجهاد ـــاد

[فالح البريكان]

[POEM="font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]ماهي بهفــوه ولا كبـوة جواد = عثرتي في عمق حادر ماطلعه
اجفلت حتى الذلـول من الشداد = واستجار الصوت باذن(ن) تسمعه
واستعانت ظلمة الليل بسواد = وامنعت نــور النهـار ومطلعه
وانتهى شوف العيون من العباد = وشك صدق الاتجاهات اربعه
وصارت الحروه هي العلم الوكاد = والشجاع يذل ويقل اسنعه
ليت غيضي ماكتمته بالفواد = هز معلوقي وخلخل اضلعه
دمه البارود والنبض الزناد = وغثربت ذات البقايا تمنعه
ماعلى التاريخ شرهه واعتماد= ومابقا للمجد درب(ن) نتبعه
وماعلى حلم(ن) حلمته بالمهاد= غير دمعي يوم عيني تدمعه
شفت بالرؤيا بساتين وبلاد= واحد وعشرين بير ومزرعه
ارسل الله لايمن الشرقي جراد = بعد ماشرقه عبث به وابلعه
ولايجوز من الدبا حتى الحياد = الجميع يأيد اللي يصنعه
وصاحت العميا .. يا طارق بن زياد= والصدا جاوب حلالك ماشبعه
قال ياعميا لايامال الهجاد = اقطعي قبل ان راسك اقطعه
مامضا من مجد لايمكن يعاد = صعب في هالجيل احد يرجعه
من عرف ربه وقاوم هالفساد = والله العظيم هذا ماشجعه
جيلكم يعلن على بعضه جهاد= دم عربانه ملطخت اذرعه
يرمي بسوه على بيض الاياد = وماتزال النار منه مولعه
اكثر من الكفار بالعدوان زاد = حول جيرانه يأشر باصبعه
لعنبو كابل على اسلام اباد= من رجع سالم ولا عقله معه
دافع الرغبه وتحقيق المراد= خف ثقل السو حمل الامتعه
الجمل يقلق هدوه من قراد = ولو يحك الجلد يلقا مصرعه
يعتزي بالنار والتافه رماد= والهنا والخير قلبه يوجعه
لازرايا .. لاديانه .. لانتقاد =بالخطايا خطاه لاهله مسرعه
ولّ ياوقت الجهل باعقول ساد = مابقا في داخل الضيقه سعه
بالغين الرشد والراي السداد = مستحيل العاقل انه يقنعه
الوطن يفخر بشعبه واستفاد =شال منه اوجيه تلبس اقنعه
طايعين امر المليك بما اراد = بالسما عز وكرامه نرفعه
نمشي الخطوه على الارض الجلاد = والشليل ان هل خيطه نقطعه
نعتبرها نقص في هامش مواد = وانتهى يوم ابتدينا نطبعه[/POEM]

 

[خالد العقيل]

فالح البريكان
سعيد بكوني اول من صافح هذه الرائعه
احترامي

 

[نايف السعدي]

فالح البريكان
رائع كعادتك
صح قلبك
تقديري

 

[فالح البريكان]

المشاركة الأصلية كتبت بواسطة خالد عبدالكريم

فالح البريكان
سعيد بكوني اول من صافح هذه الرائعه
احترامي

وانا يسعدني طال عمرك


دام عزك اخوي خالد ولاهنت


كل التحايا

 

[نبراس المشعل]

صح قلبك اخي فالح


تحياتي لروحك

 

[فالح البريكان]

المشاركة الأصلية كتبت بواسطة نايف سعود

فالح البريكان
رائع كعادتك
صح قلبك
تقديري

صح بدنك يانايف

دام عزك اخوي