أجفان السهر

[العنود الشيباني]

مصافحه أولى

أتمنى ان ترتقي الى ذائقتكم

وتنال أعجابكم

[poem=font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]

ذابت على اجفان السهر لذة النوم=واستيقظت صرخة الم في عروقي
ارتعشت اهدابي على حلم مزعوم=مدري كذوب الحلم والا صدوقي
يا مجمل احلام السنه اصدقي يوم= لو بالعمر مره على شان شوقي!
ضاق النفس في داخل الصدر مكتوم=وعيّت شياطين الهواجس تروقي
ماجيت اناقش بالتفاصيل واسوم=جيت اشتري وابيع والسوق سوقي
جيت اقسم الفرحه على قلب محروم=مدام قلبي منحرم من حقوقي
صبرت في وجه الليالي على اللوم=مثل صبر دمعي على نوح موقي
خاطبت دمعي قلت يالدمع مقسوم =لو طولت شمس الامل بالشروقي
ظالم ينام ويسهر الليل مظلوم =والظلم نار(ن) تشتعل في خفوقي
مع كل يوم علوم وعلوم وعلوم= والقلب من كثر الكلام محروقي
ترعد وتبرق داخلي سحب وغيوم =هلّت مطرها وامطر الشعر فوقي
كتبت والخاطر من الهم مزحوم=وتزاحمن بالبال كل الطروقي[/poem]

وسلامتكم


عذب التحايا للجميع

 

[ياسمين]

يا مجمل احلام السنه اصدقي يـوم
لو بالعمر مره على شان شوقـي!

صح نبضك, مدهشة ياعنود!
حياك

 

[الغيد بنت فواز]

راقت وفاقت الأحرف يا عُنود
هلا بك / وبَها .. عميقة الحزن ، وأصيلة المفرده ، وجميلة الشعر، و ب ِمثل ماهي آتيه
غيمه / " هلّت مطرها وامطر الشّعر فوقي " *

 

[ماجد العيد]

العنود أهلاً بك ..
حضورك النيّر إضاءة لـ دربٍ من شعر ..
نفرح له قطعاً و ننتظر مواصلته ..
شكراً مضيئة ..

 

[نواف العطا]

العنود
أهلاً بكِ وأهلاً بمطركِ العذب أطلاله
تنبئ عن جمال وربيع قادم وفقكِ الله
وسدد خطاكِ .

 

[عبدالله العويمر]

ظالم ينام ويسهـر الليـل مظلـوم

حُضُور مَلِيء بِالإحْسَاس يَالعَنود


أجْفَان السّهَر
أتَت لِتُشْعِل قَنَادِيل التّرقّب

أهْلا ً ، وأكْثَر

 

[فاطمة ناصر]

ظالم ينام ويسهـر الليـل مظلـوم
والظلم نار(ن) تشتعل في خفوقـي

وليس للظلم في بعض الأحيان من أسباب ..
بعضهم يمارس الظلم .. تعذيباً فقط لا غير ..
قصيدة لامست الإحساس في صدري ..
صح قلبك وفكرك ولا هنتِ ..
فإنضمامك تشريف لنا

و كلماتي لن تفي إشراقة حضورك ياغاليه

أهلاً علَها تجزي ..ܓܨ

 

[وديع الأحمدي]

العنود الشيباني ,
حللت أهلا و وطأت شعرا ,
سحائب عطر لـ قدومك

دمت بـ ود

تحااياي