مصافحة أولى ...الحظ فالدنيا كما لعب البلوت....؟؟

[ماجد العضياني]

بسم الله الرحمن الرحيم

السلام عيكم ورحمة الله وبركاته...

اخواني واعزائي واخواتي اعضاء ابعاد الادبية.....

إنه لـــــــــ شرفٌ عظيم ان اتواجد في هذا الصرح الأدبي الكبير ....معكم ...وبين ابداعاتكم ...ومتابعتكم....

اتمنى ان اكون زميل خفيف على الشعراء ....

واشكر من قدم لي الدعوة...وأتاح لي مقعد بين ابعاد الشعر والأدب المترامية....


اود ان اصافحكم بهذه القصيدة المتواضعة ,,,,,,,واتمنى ان تليق بمستوى ذائقتكم واعجابكم....

علما انها قد انتشرت بين اركان الساحة الشعبية....وفي عدت منتديات.....

وأوعدكم بالجديد " قريبا" ان شاء الله تعالى

..

..

..

[poem="font="arabic transparent,5,indigo,normal,normal" bkcolor="white" bkimage="" border="solid,5,white" type=1 line=1 align=center use=ex num="0,black""]بعض العرب ودك تركب له ريمـوت=بالذات مـن نـاسٍ وسـاع حلوقهـا
وتحـط فاذآنيـه أريـل راديــوت=حتـى اشـارات الريمـوت يفوقهـا
وبعض الحناجـر ماتلينهـا الزيـوت=واصوات بعـض الكائنـة مااتعوقهـا
لو إنهـا تحسـب فواتيـر وكـروت=البورصـة يمكـن يغلـق سوقـهـا
تقول شكمانات فرت مـن الفـروت!!=الـي صحاصيـح الحـزوم تروقهـا
الى سرت صّحـت مواليـفٍ خفـوت=ومع النفـود اصواتهـا فعروقهـا؟؟
يامسلم اسكـت ثانيـة..! ولا تمـوت=ورى حناجيـرك عِـراض نفوقهـا؟
اخير لك في بعض الاحيان السكـوت=حقك خذه والنـاس عطهـا حقوقهـا
فان كان فاتك شي لاتلْحقـه صـوت=يسبق رعـود المـزن لمـع بروقهـا
قالوا ماينفع صوتك اليا فـات فـوت=وسـر العقـول الراجحـه منطوقهـا
وانت استمع واخذ من الدنيـا ثبـوت=دنيـاك ماتلحـق وصعـب لحوقهـا
فان كان حظك معتلي فانتـه نجـوت=من لدغة الافعـى وسـم شدوقهـا؟؟
وبنيت لك في قمـة امجـادك بيـوت=عن حـر شمـس القايلـة وحروقهـا
وزرعت نخل ومشمش وزرعت توت=والشجرة اللـي سابحـات عروقهـا؟
وان كان حظك مرتدي فانتـه هفـوت=فـي حفـرتٍ ماينعـرف خندوقـهـا
لو الغصـون الدانيـة منهـا دنـوت=واطعمـت حلـو اثمارهـا وعذوقهـا
يمكن على وجهك تجي فـي تيلبـوت=تبوقـك الدنيـا قبـل مـا تبوقهـا!!!
وتصبح طعـام للكواسـر والحنـوت=تحـت مخالبهـا وتحـت سبوقـهـا
يالله دخيلك وانت رجواي ان رجـوت=يـا خالـق الاراضـي ومخلوقـهـا
مـن كبريائـك ياإلاهـي انحـنـوت=ماهو انحنـا الدنيـا ولمعـة طوقهـا
اسألك في حـظ تقـوم بـه البخـوت=أرد بـه عـدوان واخــذ نوقـهـا
الحـظ فالدنيـا كمـا لعـب البلـوت=تحط عشـرة بـس الاكـة فوقهـا؟؟
مهما عدوت او ما عدوت او ان مشوت=لا بد مـا تلعـب علـى طاروقهـا!!
ومهما كسبت من المناصب والبشـوت=واغنتك عقب الفقـر مـن صندوقهـا
واعطتك شي من فاكهتهـا ماشهـوت=ورويـت مـن صبوحهـا وغبوقهـا
وسعيت فـي أرجائهـا او ماسعـوت=وزانـت حدايقهـا وجيـت ارفوقهـا
ولبست عن رذاذ ثلـج البـرد كـوت=وملكـت دنيـا مصـر يافاروقـهـا
يمكـن تغنـي لـك ليالـي ماهقـوت=ويمكن توهـق لـو هقـوت وهوقهـا
واذا سلـت فانتـه عليهـا لوسلـوت=تغرقـك فـي غرامهـا ياشوقـهـا!!
واذا ذكرت اللي تحصّل به( قـاروت)=عـرفـت وش لذاتـهـا وفروقـهـا
في ساعتـك هـاذي تمناهـا تفـوت=كفيتهـا هـل تستطيـع تحوقـهـا؟!!
جنوت مازرعـت قلـي وش جنـوت=عينـك نظرهـا مـا تعـدى موقهـا
تلمـس لراسـك وميـز وش لقـوت=حـدب العجـاري بينـات فلوقـهـا
انا ادري انك في منامك فـي سبـوت=ومسـمـيٍ كذابـهـا صـدوقـهـا
وتشوت كورتها مع الريعـان شـوت=تطق تلحق..!! مـن لحـق طقوقهـا؟
من حلق اسد وقعت بين انياب حوت!!=ولاشفت نور الشمس عقب اشروقهـا
مـدام بيتـك مثـل بيـت العنكبـوت=اصبـر علـى بارودهـا ونشوقهـا
ومدام ماحصلت لاجل اخـراك قـوت=عباتـك القشـرى ياكثـر فتوقـهـا
ومدام حمستها ماهي من حضرمـوت=دلتـك ذي فـي ذمـتـي ماذوقـهـا
مطيتك ماهي مطيـة وان عنـوت.؟=تسوقها فـي سوقهـا مـا اسوقهـا!!!
[/poem]

تقبلوا تحياتي

ماجد العضياني

 

[إبراهيم الشتوي]

القدير ... ماجد العضياني

مرحبا بك وبالشعر الذي يسكنك ..

حضورك حبور وتواجدك مطر ..

ننتظر هطولك القادم بشوق ..

تقديري .

 

[ماجد العضياني]

المشاركة الأصلية كتبت بواسطة إبراهيم الشتوي

القدير ... ماجد العضياني

مرحبا بك وبالشعر الذي يسكنك ..

حضورك حبور وتواجدك مطر ..

ننتظر هطولك القادم بشوق ..

تقديري .

اخي وعزيزي / إبراهيم الشتوي

دام بقاءك ..وسلمت يداك....

اهلا بك طال عمرك ...

واشكرك على إطلالتك....

مرور فخامة...لاهنت

تقبل تحياتي

 

[عبدالله الدخين]

مليار مرحــب بالشعر والشاعر


مصافحة شامخه وفكر نيـّـر


صح لسانكـ حتى ترضــى



تحـيــاتـي لكـ

 

[حسين الحوالي]

ياماجد ..


حياك الله أولا ً في الأبعاد ..
أتيت كـ مرّحب ( فقط ) .. وذلك عذر ٌ سأكتفي به ..
وأتجاوز سرد أي جملة بـ خصوص النص أعلاه ..

هناك عيون ٌ تقرأك .. وعقول ٌ تكتبك ..
ثق من ذلك تماما ً .. في قادم حضورك

ماجد العضياني ..

أهلا ً بك ..
وأتمنى لك الفائدة بين أقلام ٍ تحتويها .. وتهديها
هنا في الأبعاد ..

دمت بخير ,,














ح . ح . ح

 

[أكرم التلاوي]

ماجد العضياني


أهلا ً بك في أبعاد وحياك الباري
الترحيب بالضيوف واجب علينا ولهذا حضرت
أتمنى أن أقرأ لك الأجمل في طرحك القادم
لك ودي وتقديري

 

[عبدالعزيز سحل]

ماجد العضياني

مرحبا بك في ابعاد الابداع

قصيدة تضعنا امام شاعر عالي الشاعريه

مودتي

 

[ماجد العضياني]

المشاركة الأصلية كتبت بواسطة عبدالله الدخين

مليار مرحــب بالشعر والشاعر


مصافحة شامخه وفكر نيـّـر


صح لسانكـ حتى ترضــى



تحـيــاتـي لكـ

حياك الله

اخوي عبدالله

وانت شامخ بحضورك الله يبارك فيك..

لاهنت وصح الله ابدانك..


تقبل تحياتي