السلام عليكم ورحمة الله وبركاته
بدون مقدمات نص متواضع ، لايستغني صاحبه عن النصح والتوجيه
وبدايه اتمنى لها التوفيق بهذا النص وان ينال ولو شي من القبول
،
[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=1 align=left use=ex num="0,black""]
انا اللي لاحضر والجو طاغي من جنون الشوق=يسلطن بالجنون احساس .. كل الشوق سلطانه
على كل الجنون جنون .. يطغى لاحكمت الذوق=وخمر معتق المعنى .. تشوش الراس قيفانه
سقينا العشق من كاسه .. بخمره لين عيا يفوق=سنين وكل ماشفته .. يجر خطاه سكرانه
رفع مستسلم الرايه .. يبينا ننهي الطاروق=وانا لرهى .. شعبت اللي صهيله مطلق عنانه
تحت رحمة ولي العرش .. ثم اللي لهم محقوق=يوفي دينه المديون .. بالموعد لديانه
بعدها للعلوم علوم .. فيها حاضر ومفهوق=بعد مايرفع المعروض .. باعذاره وعنوانه
واشوفه لاصفا جوي .. بصدق الحرف والمنطوق=ولايشمله عفو ان كان .. ماوفى الكيل ميزانه
انا عمري ضناه الشوق .. واللي قد بقى محروق=وعشت العمر كني شخص .. متغرب عن اوطانه
ترجيته وعيا .. يقنعه ماقد غدا مسروق=وهذا هو يترجا .. واسيرٍ وسط زنزانه
حكمته والحكم وافي .. بحق العشق والمعشوق=وبنصاف العداله .. اجمع التصويت وادانه
عليه اجمع ولاخالف .. بعد حكمي ولا مخلوق=حسب تشريع متسلطن .. حكم بالعشق سلطانه
وفا بالعشق ماخانه .. ولاله بالردى والبوق=نزيه الذات .. لو فجر جنون الشوق بركانه
حلاة العشق وجنونه .. جنونٍ للجنون يتوق=على خمر اللقا يسكر .. عناق الشوق باحضانه
الا يالذة الاشواق .. ومعانق بدا برفوق=بدا باسلوب يشعل .. ثاير الاحساس وجدانه
عليه النوح والمعنى .. وخافي بالشعور يشوق=يشوق بكل مايعني .. جنون الشوق وجنانه
[/poem]