[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالله تعالي واكسري حاجز الصـمت = عقب البطا شـلـي جـرى خبريني
يا فاتنه بعدك تعبت وتـحـطــمت = الصدر ضاق وضاقت الارض فيـني
من هُو يسلي خاطري فيك لا قمـت = أتـذكـرك وأنـا كئيب وحـزيـني
يلي من اعيونك درست وتـعـلمت = رمز المحبه والوفا والحـنـيـنـي
جيتك أسابق خطوتي وان تـقدمت = أشـعـر لمعياد اللقا تسبـقـينـي
هذي تواقيعي وبالعشر بـصـمت = إني أصون الحب طـول السنينـي
باقي على وعدي وعهدي وصممت = إنـك وحـيـده بالـغـلا صدقيني
ما ينقطع حبل الوصل لني أقسمت = إني أجي يـمـك قـبـل لا تجيني
راضي وبشروط الهوى ما تظلمت = راضي ولو طول الزمن تظلميـني
حتى ولو بان الجفا ما تكلـمـت = إلا بكلمة (آمـري وأطـلـبيـني)
وأصارحك إني أبد ما تنـدمـت = في عِشرتـك يا زهـرة الياسميني[/poem]