مُتنفس .. شِعري !

[سعيد الموسى]

مات الكلام وماتت آخر قصيده ..
كن الشعر طفلٍ تيتم .. بفرقاك !

إلى جنة الخلد بإذن الله ياحبيبي البدر ، ياجرح لايبرأ
نم قرير العين ياحبيب الشعر ، والله ان وجعنا فيك كبير الى حد السماء
ولانقول الا مايرضي ربنا .. الحمدلله
-
هناك شيء داخلي أنكسر

 

[زايد الشليمي]

آه .. موته كسرتي طعنته غايرة
قلت وقّف دخيلك قال فات الأوان
:
حتى للموت مخلص .. فزعته حاضره
عارفه بالشجاعة .. ماعرفته جبان
:
الثرى يمطر ..المُر.. والسمـا مقفـرة
والظـمـا ماتضمّه لمـسـة الكهرمان

صرت أشوفه بوجهي ماقدرت أكسره
وين ماهْـرب لقيته ....بيننا اقتران
:
منين ماجيت يمّه .. أصغره ..أكبره
الكرم والرجولة لو بغى ./ يسجدان
:
كل ماخاب ظني في رفيق ..أذكره
يابعد من خذلني ..صاحبك مايُهان
:
مايِعَرْف النفاق ..باطنه ...ظاهره
كل شيء بصفاته ظاهره للعيان

(ياخويّ )الحكاية وش بقى نخسره
بين خيبة صديق ..وبين كبوة حصان

:

:
زايد..
:

[/

 

[زايد الشليمي]

للغالية :
ابنتي ... ( ريم ..)


:

ياريم ..منهُ منّنّا يلقى لجروحـه أمكنـة
والنسمة اللي لوتجي تجرح بحقد حلوقنـا
:
ياريم ماتت داخلي.. ألفين سيرة محزنة
قصة شعوب استُعمرتْ للبيع كنّا بسوقنا
:
ياريم قولي هالحياة ..قدّيش تبقى معتمة
صار التفاؤل شُئمنا ..عجاج حتى بروقنا
:
نبني على بكرة امل وتمر كـل الازمنـه
بنفس المواقع ضايعين نبغى تجيناحقوقنا
:
ياريم هاتي معطفك بالغيم أبغى أدفنه
يمطر علي حرّيتي .....سلام يبقى فوقنا
:
انتي وانا واللي نضم نمشي بعكس الانظمة
للطيش عشنا مخلصين ومتنا بنفس حروقنـا


:
زايد..
:

[/