الحـــالـــ ضنـــــــــكـا ...!!

[بدر السويط]

مساء الشعر ...



لكم احبائي





[POEM="font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا حيف يا نفس ٍ تحط اعزومها = من عقب ما هي وافية في لزومها
صارت كما نفس المريض المحتضر=ضاعت مباديها و باقي حلومها
يا وجد حالي كالعجوز القاضيه = من القهر شقت جميع اهدومها
تلوا ضناها و غيبوا به عنها = و لا به بشر يقضي لها ملزومها
اتصيح من ظن ٍ لفاها و غثها = الله يلوم اللي يحاول لومها
يا وجد حالي كالهنوف الطاهرة = بنت الرجال اللي تنومس قومها
جوها وحوش ٍ ما تخاف من الولي = كل ٍ يزايد بالردية سومها
كل ما ذكرتك يا الشجاع الصيرمي = يا من عرفت الفزعة و مفهومها
نامت عيونك ليتها ما غمضت = يا كيف نخوة فاقدة زيزومها
تذكر من الدنيا يا كم نِوّخ لنا = تِدسم شواربنا بزين شحومها
تضحك لنا الدنيا على ما نشتهي = يعني عطتنا فلها و يشمومها
اليوم شفني بوحدتي وش صار بي = اخذ من الدنيا حثال اسمومها
اهيم في وجهي و لا لي وجهة ٍ = اقطع فيافيها و روس ارجومها
و اليا وصلت لشاطي ٍ غث الفكر = اغوص في بحور الشقا واعومها
الحال ضنكا.. و الرجاوي ميّته = تعلن عن دروب السعادة صومها
المشكله.. لا من نشدني شايبي = وشلون حالك!! كيف تالي اعلومها
يضيق صدري و ترتسم له بسمتي = مثل السما لا من لمحت ايمومها
و اتكذب البسمة محادر دمعتي = و اصد بعيون ٍ تحارب نومها
و اشوم عن نفسي واعاتب حالتي = يقطعك يا نفس ٍ تحط اعزومها[/POEM]




بـــــــــدر

 

[خالد السويلمي]

بــدر

يسعد مساك

دنْـياك دوَّاره وساعات عجْـلَه
... والوقت له ميقات والدُّور لِـه دور


أليمه تلك الجروح ولئيمه هي الدنيا
والوفاء أسمى مابالروح لكنه يؤذيها أحياناً

كن بخير أيها النقي

 

[وليد الفالح]

بدر السويط
شاعر يجبرنا على متابعته
مودتي

 

[م.عبدالله الملحم]

نلوم هــ الدنيا
و العيب في أنفسنا يا بدر
لا أعلم متى و كيف ســ نعي بــ أن الدنيا لا تحاربنا
بل هي وفية الى من أخطئنا في حقها
ــــ لـــ .. أنها بــِ إختِصار [ دوارة ] ...!!!

سلمت و رُفِع الحال إلى نور الرضا .. تقدِيري ..

 

[سعـد السعـيـدي]

بدر السويط\
/
\
صـح الله لسـانـك يابـدر..

ولا هـنـت..

حضـور يستحق الثنـاء..

دمت لمن تحب

كُل الـود

 

[مشاري الشليمي]

.
.
.
بدر السويط

شاعر من العصر الجميل

صح لسانك

 

[هنادي المطيري]

السويط
نص فاخر ، باذخ ، سويطي درجه أولى
لاهنت يا الحر وصح الله نبضك مليارات



كل الاحترام ،

 

[أصيله المعمري]

بدر السويط
أهلا بك يا بدر
واهلاً بهذا الشعر وهذا الحال وهذا الجمال



أعجبتني طريقة حبك الأبيات الاخيره
راقي الحس الشعري أنت يا بدر


في انتظار كل القادم من بوحك