مصافحة أولى !! قوس الربابه

[عبدالعزيز بن سويط]

بسم الله الرحمن الرحيم



أخوتي أعضاء منتديات أبعاد أدبية........السلام عليكم ورحمة الله وبركاته





مصافحة أولى وأتمنى أن تنال الإعجاب والإستحسان..






قوس الربابه و جرح الأمس و مهلي

*************** والخاطر اللي جريح الصوت غنابه


جوني سوا يا صحيبي مالهم حلي

*************** تجمعوا في خفوقي و صارت طلابه


هذا يبي بعضي و هذا يبي كلي

*************** و هذا يبي ينتزع قلبي مع اطنابه


يا طير ياللي على المرقاب متعلي

*************** قلي حبيبي علامه طول غيابه


قله عزيّز من جروح الجفا ملي

*************** بس انتبه لا تصيدك روعة أهدابه


إن كان وده على الفرقا فأنا من لي

*************** مدام حبه يشق القلب مشعابه


خله على راحته مدام متخلي

*************** من بعد ما صرت كني أرخص العابه


وان حدته دنيته ارجع علي قلي

************** لاصير مثلك واحول في طرف بابه


و اهمس باذنه واقول افداك يا خلي

************** اموت في حبك المجنون واحيابه


من ثم أحطه على المتنين و أعلي

************** و أنزهه عن كلام العذل و أرقابه


قوس الربابه و فرقا الخل و مهلي

************** تجمعوا في خفوق ٍ ضيع أحبابه











وسلامتكم

 

[خالد العقيل]

قوس الربابه و جرح الأمس و مهلّي

*************** والخاطر اللي جريح الصوت غنابه


جوني سوا يا صحيبي مالهم حلّي

*************** تجمعوا في خفوقي و صارت طلابه


عبدالعزيز بن سويط
وحضور يشبه المطر
تحيه تقدير

 

[عبدالعزيز بن سويط]

خالد عبدالكريم


اشكر لك مرورك يالغالي...



ولك التحية...

 

[تغريد التركي]

مصافحه جميله وأنيقه

\

/

عبدالعزيز بن سويط

صح الله لسانك

دمت بخير

 

[عبدالعزيز بن سويط]

تغريد التركي



صح بدنك اختي الكريمة...



واشكرك على مرورك العطر...

 

[خالد صالح الحربي]

:

عبدالعزيز السويط :
تأتِي كَـ... غيمة / فلا تُخلّف إلا الـْ... مطر !
وَ العُشب في صُدُورِنَا وَ أراضينا ..
فأهلاً بِكَ لَحْناً وَ شَجَناً جميلاً .

 

[محمد السالم]

بن سويط


صح السانك إلين ترضى


رائعة

بس خبر مهلي


قله لاعاد يعودها مرة اخرى



تقبل تحيات اخوك


محمد السالم

 

[عبدالعزيز بن سويط]

خالد الحربي


صح بدنك..


وتسلم على هالكلام الطيب..


اشكر لك مرورك..