زعل يبغى شعر

[حسام المجلاد]

بعد التحية والسلام، أدع هذا النص يقدم نفسه لذائقة كل جميل هنا :

زعل يبغى شعر، من بالقصايد يبعث الاحساس
‏وبكى محبوب قلبي وادري بدمعتهْ ملعوبه

‏وتمنيت المطر لاهلّ حبري..والمدى القرطاس
‏عشان آفهّمه وش كثر احبه واعشق عيوبه

‏انا كيف اوصف اللي مرتوي من راسه ليا الساس
‏حسن .. سبحان من صوّر بهاه وزاده عذوبه

‏رقيق شعور.. متشبع غنج.. باذخ ترف، حسّاس
‏خجول..ولا استحى في وجنتيه النار مشبوبه

‏كلامه من ذهب وحده ومن فضه كلام الناس
‏هو أجمل من يسولف والحكي يحلوّ بإسلوبه

‏حضوره يبهج القلب وغيابه يحبس الانفاس
‏ومزايا من سواه من البشر فدوه.. لعذروبه

‏حبيبي لاتجهم خاطره يعبث بي الهوجاس
‏إلى منه رضى حثيت عمري عشق بدروبه!

‏وإذا مَرّ.. وتبختر فاتني في قدّه المياس
‏دعيت الله كثر ماذبت فيه..يكفّر ذنوبه

‏معه حتى الشعر له لذّه، ويزهر به الكراس
‏وبلا روح القصايد كان ماهي فيه مكتوبه

‏سكن قلبي سنين ومالحبّه داخلي مقياس
‏ولاله من شبيه وفرحتي لاغاب مسلوبه

‏هذاك إن قصر بحقي عذرته وان جرح لاباس
‏جروحه ماتزيد الّا غلاه بقلب محبوبه

‏احبه..وإن بغيت ازعل عليه، عيونه النِعّاس
‏تجبّ اللي يسوي من خطايا.. كنها التوبه!

‏تمكن بي غلا واروى عروق اللهفه اليبّاس
‏وبنى صرح المحبه داخلي طوبه ورا طوبه

‏بكى كذب، وبعث روح القصيد بكل بيت إحساس
‏أجل وشلون لو مادمعة المحبوب..ملعوبه!؟؟

 

[وليد الفالح]

حضوره يبهج القلب وغيابه يحبس الانفاس
‏ومزايا من سواه من البشر فدوه.. لعذروبه


حضور شعري سامق يا حسام
أحسنت وأطربتنا بجزالة قصيدك

صح لسانك وكلك يا غالي

 

[نادرة عبدالحي]

لغة القلب والوجدان ينتقل بصوره العذبة وإيقاعه الساحر إلى فضاءات علوية، تتحرر فيها الروح من قيود
هي المحبة العميقة التي لا تبنى بيوم وليلة إنما بناءها يأتي بالتروي وال تَلاؤُم والـ تَآلُف .

‏تمكن بي غلا واروى عروق اللهفه اليبّاس
‏وبنى صرح المحبه داخلي طوبه ورا طوبه

 

[سيرين]

‏هذاك إن قصر بحقي عذرته وان جرح لاباس
‏جروحه ماتزيد الّا غلاه بقلب محبوبه

‏احبه..وإن بغيت ازعل عليه، عيونه النِعّاس
‏تجبّ اللي يسوي من خطايا.. كنها التوبه!

هكذا يكون العشق وحصونه المنيعة من أن تُخدش
بوركت محبرة الجمال ودام غدق عطرها المنثور مورق لابجدية البهاء
سلمت يمناك شاعرنا المبدع \ حسام المجلاد
مودتي والياسمين

\..

 

[حسام المجلاد]

المشاركة الأصلية كتبت بواسطة وليد الفالح

حضوره يبهج القلب وغيابه يحبس الانفاس
‏ومزايا من سواه من البشر فدوه.. لعذروبه


حضور شعري سامق يا حسام
أحسنت وأطربتنا بجزالة قصيدك

صح لسانك وكلك يا غالي

صح بدنك، غمرتني بلطفك ياغالي

 

[حسام المجلاد]

المشاركة الأصلية كتبت بواسطة نادرة عبدالحي

لغة القلب والوجدان ينتقل بصوره العذبة وإيقاعه الساحر إلى فضاءات علوية، تتحرر فيها الروح من قيود
هي المحبة العميقة التي لا تبنى بيوم وليلة إنما بناءها يأتي بالتروي وال تَلاؤُم والـ تَآلُف .

ممنونك دائما يانادرة، الف شكر

 

[حسام المجلاد]

المشاركة الأصلية كتبت بواسطة سيرين

‏هذاك إن قصر بحقي عذرته وان جرح لاباس
‏جروحه ماتزيد الّا غلاه بقلب محبوبه

‏احبه..وإن بغيت ازعل عليه، عيونه النِعّاس
‏تجبّ اللي يسوي من خطايا.. كنها التوبه!

هكذا يكون العشق وحصونه المنيعة من أن تُخدش
بوركت محبرة الجمال ودام غدق عطرها المنثور مورق لابجدية البهاء
سلمت يمناك شاعرنا المبدع \ حسام المجلاد
مودتي والياسمين

\..

سلمك الله من كل شر ياسيرين، سعيد بهذا الاعجاب

 

[حسام المجلاد]

احبه وإن بغيت ازعل عليه عيونه النعاس
تجب اللي يسوي من خطايا كنها : التوبه !