وداعاً ملهمتي + عشق في مهب الظروف.

[سيف السيف]

السلام عليكم ورحمة الله وبركاته

طابت اوقات الجميع بالمسرات

تشرفت بدعوه كريمه من اخي القريب الى نفسي جدا خالد العنزي ..

ولان خالد احبه لله فالله .. ماقدرت اتأخر بالمشاركه

وتسعدني وتشرفني مشاركتي معكم ..
.
.
.
.
.
اقبلوا هذه المتواضعه وحاسبوا عليها خالد

.
.
.

عودين سمر وليل واثنين عشاق
................ يالله لطفك يالطيف امرهم .. امر


اشواقهم ماهي كما باقّ الاشواق
................ اشواقهم تلهب مثل لاهب السـمر


متوقعين إنه يجي همس واعناق؟
................ لا والله .. الا دمعتينٍ .. كما الجمر


هلن على لحظات توديع .. وافراق
............. ولوعات تغمر مرهف احساسهم غمر


على ملامحهم .. لها لون ..وارناق
................ رونق غريب!! ودامرٍ وضعهم.. دمر


ومرارة التوديع .. ضاقت بالارياق
................ واعقولهم غابت مثل شارب الخـمر


ونظراتهم هامت .. وذابت بالاحداق
................ عزّاااه ياحالٍ .. سمره النيا .. سمر


هذي .. تراها حالة .. اثنين عشاق
................ لحظة توادعهم بدت.. وامرهم امر

2/9/2002م

.
.
.
.


لعل الاخرى تكمل الاولى ..

مرروها ايضاً
.
.
.
.

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]قناعتي فالقرار اللي فرضه النصيب=إظروفنا ودته !! واقدارنا جابته
ولاعاد باقي من المشوار قبل المغيب=إلا شعورٍ كفيل الوقت بإذابته
وعني رميت احتمال اطيب؟ والا ما اطيب؟=سؤال عقب الجفا ما تلزم إجابته
درهم أمل حازله قنطار هم ونحيب=أخير من ياسي المحكم علي غابته
جيت اتفائل لقيت الحزن صدره رحيب=رميت نفسي عليه ولجت إذيابته
قلت احتضني عن إذلال السؤال الرهيب=وعن شح نفسٍ علي شحت بما اصابته
من موت الاحساس صار العشق وجهه كئيب=وحجم الالم ماقدرت اقرا وش إكتابته؟
اقنعني الموقف القاسي وانا مستريب =جيته على اخر رمق محتاج لإثابته
وراني الصد وشلونه بعين القريب=ووشلون عمر الوفا يقهرك بإنهابته
ووشلون دم الغرام يصير ماله طليب=ووشلون حجم القهر بعيون طلابته
وإن انتقام القلوب المغرمه من حبيب =اشد وطأه على المغرم إذا صابته
رغم ان عشقي له انهارٍ بليا حسيب=اليوم يضحك على همي وانا كابته
لو الالم كان من خنجر بكف الغريب=ماشلت هم الالم لو طعنته ثابته
ماعاد في وقتنا شيٍ يسمى غريب=لو يسحن السم بإبهامه وسبابته
قناعتي فالقرار اللي قسمه النصيب=إظروفنا حدته !! واقدارنا جابته[/POEM]

3/1/2005م


والعذر والسموحه على القصور معكم ومع السيد/ الشعر

للجميع كل الود

سيف السيف


.

 

[جود الرباط]

أهلا بكل هذا الشعر

عكاشه اسم لامع في سماء الشعر

واسم غني عن التعريف لكل متذوق وعاشق للشعر

أهلا بك مدد بلا عدد

وكعادتك لاتأتي إلا بالرائع

والشكر موصول للاستاذ خالد العنزي

تحيتي

جود

*التثبيت : بواسطتي

 

[صالح العرجان]

قناعتـي فالقـرار اللـي قسمـه النصيـب
إظروفنـا حدتـه !! واقـدارنـا جابـتـه




عكاشه

اقراء هنا شعر


صح لسانك

 

[حنان محمد]

من الصعب أن أرحب بمن مثلك أخي

ما أملكه

هو

الترحيب بك فمن مثلك

يستحق الكثير منا ,,

 

[هدى مصلح]

عكاشه

اهلا بك وسهلا
ثنائيه رائعه سُعدنا بالسفر معها
ومن الرائع أن يُقدم لك الشعر من منابعه الصافيه
فهنيئاً لنا حضورك وشعرك

شكراً لك

 

[تركي الحربي]

أحبك ياسيف
وفاقدك ياسيف

:
:

قبله لروحك ياعم

:
:

القصائد للمفضله

:
:


تركي
الحربي

 

[هنادي المطيري]

0
0
0

جيت اتفائل لقيت الحـزن صـدره رحيـب
رميـت نفسـي عليـه ولجـت إذيابـتـه
قلت احتضني عن إذلال السـؤال الرهيـب
وعن شح نفسٍ علي شحت بمـا اصابتـه

\
/

اللهـ عليــك .. وصح لســانك ملايين
ولاهنــت .. تشرفنــا بهذا الحضور الراقي
واهــلاً وسهـــلاً في رحـاب أبعاد

دمت ،

 

[خالد العنزي]

"

ابو العكش
مية هلا وغلا ... بشيـابنـا

اولاً . نورت ابعاد بوجودك
ثانياً . انا مستعد انا احاسب عليها وعلى جميع قصائدك
لأني اثق بكل ماتكتبه

. اعتراضي الوحيد على قصائدك . اني اشوفك كبرت على قصائد الغزل
اشوف قصائد النصح والحكمه . تناسب عمرك اكثر

استاذي . ابو العكش
اقسم بأني فرحت بتواجدك . هنا
شرفتني بقبول الدعوه
لاعدمتك ياملك

حبي واحترامي . واعطر التحايا .
وقبله على راسك
من اخوك الصغير . خالد