الأمير سعد ال سعود (منادي)

[حنان الفايز]

الأمير سعد ال سعود منادي

هذا الشاعر الرائع .
نبذه

هو الامير سعد بن سعود بن محمد بن عبد العزيز ال سعود

نشاء في بيت يهتم بالأدب والشعر فوالده الامير سعود بن محمد أحد رواد الشعر في الجزيرة العربية.

تخصص في مجال الأعلام وحصل على درجة الماجستير في الإعلام الدولي عام1999م.

كما حصل على درجه الدكتوراه في الاتصال السياسي عام 2007م.

ويعمل حاليا عضو هيئة تدريس في قسم الإعلام بجامعةالإمام بالرياض.

أقام عده امسيات كان أولاها أمسية في دولة الكويت عام1996م.

وتشرف بكتابة أوبريت الجنادرية (عهد الخير) عام 2008م. وصدر له كتاب بعنوان الاتصال والإعلام السياسي.

من قصائد منادي:


صفحة الأيام



صـفـحــة الأيــــام..هاليــــلـة بـدت

وابتــديـت احـس بافــراحي معــاك

أمطرت سـحب المشـاعر وخفـقت

وارتــوت أرض المحبـــة من سماك

وكـل ورد الحــب في قلبــي نبـت

وازهـــرت روحٍ يعـطـــرها شـــذاك

سـامرتنـي نجـمـة اللــيل وسرت

واشرقت شمس الأماني في لقاك

وغـردت لـك نسمـة الــود وصفت

وكل شـوقٍ طـار من غصـنه وجاك

نــورعـيـني لـك مواعـــيدي وفت

ما تشـــوف العـيـن بالـدنيـا سـواك

بالـوفــا شمعــة ليــاليـنـا ضــوت

وكـل ظلمـى تـضـوي بدنيـا وفــاك

والحــيـاة اللــي تنـــور بـك بـدت

وابتــديـت احــس بايـامــي معــاك


مالقيتك



كانك بعيـــد.. وكل فرصـه تبعـــــدك

وش عـذر قلبــي منـك.. لـومـا جفيــتك

مشاعري مـاعاد تقــــدر تساعــــدك

لـــوباقـيٍ فـالصــــبر خــفـقه هـــويتك

عـلى طريـــق الـود قـلبـي معاهدك

لــوكنـت فـي عـز احتياجــي عـطـيتـك

لاتوعـد الـمشـتاق بالوهــم واوعـدك

لـوكنـت دمعــــــة ناظـري مـابكــــيـتك

مـافي يـدين الحــلم قـوه ويـسعـدك

اعـرفك يـــاس ورغــــم هـذا رجـــيـتك

كـيف انتظـر لقياك .. والحزن موعدك

وكـيف اوصـلك.. وانا معـك ما لقيـــــتك

نجـمة وصـالك فـي ليـالي تباعـــدك

لو تنـطـفـي.. ما قــال قـلبــي نسيــتك





استأذنك



اســــتاذنك..بغيـب غيــبه طـويــــلـه

واحمـل معـي جـرحي تداويــه الايـام

تبـقـى ويبـقـى الحـب ذكرى جميــله

وشـــلون بنســـــاهـا وانـا كلــي الآم

وتبـقى عـلاقتــــنا النبـــيـله نبــــيــله

لـو الـفــرح بعـيــــون الآمــــال مـا دام

يـأسـت من رحـمـة عيـــــون وجديـله

وداع يـاليــل السـهــر.. حـلمــــنا نــام

الــود مـاغـــــذا نفــــــوس عــليـــــله

عـاشت مـشاعـرهـا بلا وصـل واحـلام

كـان الـهوى غـايـه وكـان الوسيــــــله

بـس الحقـيـقـه كانت اوهـام باوهـــام

استاذنك..ياعـشــرة الحـــزن ليــــــله

برحل مـع جروحـي بلا دمـع وخصــام


بكا السحاب



بـكـا السحـاب فــــراق الاحبــاب.. لاعـــاد

دمـع الـسـمـا جــرّح خـدود الـليــــالـي

والحـــزن كـحّـل نـاظـر الـوقت بـحـــــــداد

واخـذ يـعـزيـنـي شــــــعـورٍ بـقـــــالـي

الـبعـد موت الـلي عـلى الـوصـل معتـــاد

قـسـوة عـذابـه فـوق كـل احتـــمـالـي

الـبـــعـد مــوت الـــود .. لـو بـعـــــده وداد

كل الـوجـيـه تـذوب فـي وجـه غـالـــي

ابـنتـظـر في مـوطــــــن الـحـزن ميـعـــاد

واحـلـم ولـو بعـض الامـانـي تســـالـي

عمـري معه ما ضـاع .. عمـري معــــه زاد

مـا يـدري انـه فـي خـيـالي خـيــــالـي

مـا لـلـــهـوى عـنـدي نهــــايـة ومـيـــــلاد

نبـض الـحيــاه الحـب .. روح اللـيـــالـي







صدفة



تشـوفهـا صـدفه وانااشـــوفـها غيــر

انا تصـنعـت الصـدف لـجل اشـــــوفك

ماتتعـب المشــتاق كثـر المشــاويـر

لاصـافحت لـهفـة كفــوفـه كفـوفــــك

لاجـاك قلبـي واشتيـاقـي مسـاييــر

ارجــوك تكــرم بالـمحبـه ضـيـوفـــــك

مابـي وعـد خـل الوعـد للمـقاديـــــر

لو اضمنـك وشــلون بضـمن ظـروفـك

غيـبتك طـالت ياعسـى مانعـك خيـر

اللـه يطمـّن خـوف قلبــي وخـوفــــك

ما قلـت لك وقـت انتظارك وش يصير

بـس اكـتب اسـمـك واتهـجـــا حروفك

نـسيـان حبـك لـو تـناسيـت تذكيـــــر

انسـى حيـاتي لا طـرت لي وصــوفك

كان الجفــا غـلطتـك..وصلك معاذيـــر

لـوطـال بدروب التجــافـي وقـــــوفـك



5/30



اسـفــك.. واصـلني ولو ماتـأسـفــت

عذر العيون ابلغ من العذر نفـسـه

خطاك ما شفته..ولوشفت ماشفــت

انا نسيته وانت من فضـلك انسـه

ليــلـة زعلــنا يا عسـا ماتـكـلـفـــت

عسـاك ما حسـيت باللي احـسه

والله ما عمــري حبيــبي تحسـفـت

إلا علـى فـرقــا ثلاثيــن خمــسـه

يا نور عيني يوم بالشــوق سولفــت

دمع الغلا سيّل شفايفـك همـسه

من يـوم يا قلبــي بقـلـبـي تعـرفـت

والحب ماغابت عن العين شمسه

ياللـي عليّـــه بالــمواصـل تلـطـفت

ابشــر بقـلـبٍ ما يمـسـك يمـسه

ياسيداحساسي على الحب ماخفت

اخـاف لا ياخـذك باكــر من امـسه

















منـــــــــــــادي


لكم كل الود