ودّي أفضفض

[فايز بن مسفر]

السلام عليكم ورحمة الله وبركاته

مصافحة أولى أرجو أن تنال الاستحسان




اشتقت لك ياللي رحلتي من سنين
سنين راحت بك وحبك .... مكانه

ادري غلاك يزيد واحنا ... مساكين
نعيش فالدنيا ولا به ... ضمانه

الله يعين القلب.. تايه .. وهالحين
كتبت حرفك.. فالقصايد ... أمانه

ودي افضفض حالتي جوها ..شين
ودي اقول القلب حس .... بهوانه

ودي ولكن الموده ..... على وين
طبع المشاعر ماعليها ... حصانه

تهيم بالخاطر سواة .... السلاطين
مره معك وامرار ياليل ..... دانه

الحب مهما عشت يبقى هو الدين
تقضيه حي وبعد موتك .. جنانه

من حس بك يادمعة القلب والعين
يسهر مع النجمة .... وكلٍّ وشانه

الله يرحم بنت عاشت بي ..سنين
حبيتها واقع وللشعر ..... دانه

دفنتها غصب علي ..... يا محبين
واهديتها احساس الخفوق وحنانه

كل يوم ذكراها وكل يوم تبكين
يا عين شاعر صح والله لسانه



فايز بن مسفر
(سمو الغيم)

 

[حسام المجلاد]

أهلا بك وبمصافحتك الأولى يافايز
أحاسيس صادقة ومعبّرة
بانتظار بقية مصافحاتك🌷