نهار بن خليف بن معيوف الاسلمي الشمري

[عبدالله البطي]

امنكس اعقالي لامورن ثقيله
مامال مع ميلات الايام ياحسين
حنا الجبال الراسيات الطويله
نكرم لو ان الدين نقضيه بالدين
الي جمع للمال وش هو حصيله
لاصار فعله شين وامقابله شين
لو يوصي* ابمطراش محدن يجيله
عامين مامره من الخطر اثنين
البارحة كبدي وكزها بكيله
واردم عليها غبن الايام والبين
مايوجع الرجال غلطة خليله
مايوجعه ياكود غدر القريبين
واذا خطا صاحبك بالنصح شيله
لاتبلشه بمعاتبك يا احمر العين
واذا استمر بالغي فاترك سبيله
مسكين وما انت موكلن فالمساكين
وانا معي رجال يسوى قبيلة
ومعي على مااقول كل البراهيين
نهار لاضام الدهر نرتكيله
النادر الي من سلالة سلاطين
نهار عن كل الرجال التجي له
الي بفعله وثق القول تضمين
واحد ولا به فالخلاييق مثيله
واحد ويسوى عندنا بالملايين




*








*




*

 

[سلسبيل]

دامت المحبة بينكما

أجزلت وأبدعت
يحفظك الله

 

[رشا عرابي]

حق للصداقة ذكر محاسن الصديق
والودّ خير برهان

ديدنك الطيب
لا عدمنا بوحك

 

[سيرين]

وانا معي رجال يسوى قبيلة
ومعي على مااقول كل البراهيين

يقين تموسقت به اواصر الصداقة ورصع بألق الابداع
سلمت يمناك شاعرنا المبدع \ عبدالله البطي
مودتي والياسمين

\..