ما بين الضيق معْ زفرة همومي ماتت الأغصان
...............وصار الصبح معْ موتة غصوني غايبً نوره
مدينه صرت أنا فيني حدايق مابها ألوان
............... هجرها الناس تتضايق كثير وطاحت الصوره !
زرعت ولا لقيت بقاعي إلا الجرد والنسيان
............... تعبت أسقي بساتيني هباء وماتت زهوره
مثل طفلً فجع قلبه وشايل هـالقفص زعلان
............... بكى من حرقته شافت عيونه ( مـات عصفوره ..! )
يعاكس هالفرح دربي أنا منفي مع الأحزان
............... أنا أصحابي أنا أصحى بي الآمال منحوره
ظلام الليل يعشقني وحيدً / ذابلً / ضميان !
............... وقفت آشوف أنا المسرح بدى التصفيق : جمهوره !
أنا جمهوري الضيقه / ونبرة صوتي : الحرمان !
............... يصفق حقق أنجازه يشوف دموع مهدوره
نزفت ولا بقت قطره بدمي.. واختنق شريان !
............... يمر الجدب في جسمي يطش بداخلي بوره
أنا في هيئتي إنسان ولكني.. بقايا إنسان !
............... أنا المهجور وسـنـيـني مباني حيل مـهجوره !