صباحكم // مسائكم
أجمل من هذا النص
تنويه !!
بالازرق أكتب والمسافات حمراء*** و الوضع مزري لكن الله يستر
/
\
/
نون الغوايه عسعس الليل و البوح
........... تبت يدينه من كثر ما أبتلاني
يبغاني أتغزل و أنا قلت بوضوح :
........... [ تركت للشعار طرد الغواني ]
قصيدتي هاذي من الروح للروح
........... ما تقبل القسمة على شخص ثاني ؟
أنا وراي الحزن من وين ما أروح
........... ما أخترت حبه مير حظي حداني
فأن كان شفتوني وحيدن و مجروح
........... ما أحتاج و صل أحتاج سبع المثاني
و أحتاج للضيقه و للشعر و النوح
........... عشان أواجه دهشتي من زماني ؟
تعبت أساير ضيقة الناس بمزوح
........... لعلَي أزرع في ثراهم معاني ؟
نفس الوجيه الصامده من زمن نوح
........... ما قدرت طيبي و لا عنفواني
يجرح شعوري منظر أنسان مذبوح
........... و الناس تسال عن جواز الأغاني ؟
وأخطر نتايج ( كل ممنوع مسموح )
........... أنسان يغرق في بحور الأماني
و اللي حفظ غيب المخاليق في لوح
........... أن الزمن يمشي و أنا في مكاني !!
مثلي مثل غيري و لا عندي طموح
........... ما أدري بليت الوقت ما أدري بلاني ؟
و أمرَ و أدهى شي مخفي و مفضوح
........... مجني عليه يقببل إيدين جاني !!
غلطان في حقي و أنا أقول مسموح
........... يا رب تهدي كل ظالم عشاني
يوم الحقيقه تبكي أمجاد و صروح
........... نويت أعبر بالشعر عن كياني
لكن لعنت إبليس و الضيق و البوح
........... عن واحد(ن ) يصطاد زلة لساني
للجميع مودتي 
آخر المشاركات
05-09-2011, 07:48 PM
زلة لسان
العرض الشجري