لو جمعوا هنف المعره مع رماح

[موسى المشعان]

قصيــــــــــــــدة موجهه الى الشاعر الكبير هزاع الزيدان

ارجو ان تنال استحسانكم

هزاع وين اللي له القلب يرتاح

...................................متى يجينا العيد ودي بشوفه
ابوٍ خديدٍ كنه البرق لالاح

.................................ولا القمر لامن تجلى كسوفه
هزاع قلبي في هوا بنتهم طاح

..................................طيحة ضريرٍ فاقد نور شوفه
فوق الجمال مغيزل العين مزاح

..................................ومع كل هذا ما بقلبه مروفه
ريحة جسدها كنها المسك لافاح

......................................والجاذبيه كلها في كفوفه
ما صار لي في ناعم العود ميلاح

.............................ونفسي عن الخفرات غيره عيوفه
لو جمعوا هنف المعره مع رماح

.............................ما ابي سوى غروٍ سبني وصوفه
لأجله حلفت اليوم لاروح سواح

..................................من فوق اللي ماكل موتر يطوفه
جيبٍ يسابق لا مشى هوج الأرياح

..........................................ولا يوقف الا عند ناثر زلوفه

 

[مشعل العبار]

صح لسانك يابو وضاح

 

[سعد مسهوج]

صح لسااانك يابو وضاح


والله والنعم بك وببن زيدان



اخوك الصغير


سعد العلاطي

 

[خالد العنزي]

صم صم

الله يهديك وش تبي بهالسوالف

 

[محمد عبيد العنزي]

فوق الجمال مغيزل العين مزاح

..................................ومع كل هذا ما بقلبه مروفه


والنعم فيك وبالأخ هزاع الزيدان

وانشاء الله انك توصل الى ما تصبوا اليه

تقبل تحياتي وتقديري

 

[هزاع الساري]

ابوٍ خديدٍ كنه البرق لالاح

.................................ولا القمر لامن تجلى كسوفه
هزاع قلبي في هوا بنتهم طاح

..................................طيحة ضريرٍ فاقد نور شوفه
فوق الجمال مغيزل العين مزاح

..................................ومع كل هذا ما بقلبه مروفه
ريحة جسدها كنها المسك لافاح

......................................والجاذبيه كلها في كفوفه
ما صار لي في ناعم العود ميلاح

.............................ونفسي عن الخفرات غيره عيوفه


عزاااااااااااااااااه يا ابو وضاح

( القلب اخضر )


صح لسانك

وان شاء الله نشوف رد ابو فارس على القصيده

 

[صالح العرجان]

ياالعود


سهلات يا خالي دامه من القصيد وجاي ...!


(( انا قلت تبي تعرس عليها اتاري امورك كلام في كلام ))

(( المجمول ابو عود مياس يبي ريحا تهزه والا انت راحت عليك )) يا الله حسن الخاتمه قولوا معي امييييييييين,,,,@

 

[موسى المشعان]

الف شكر لكل من مر على متصفحي وشارك

واملي بالمزيد

حفظكم الله ورعاكم