وحشتني البنت الأمورة

[عمرو عماره]

وحشتني البنت الامورة


وحشتني البنت الامورة
فمسكت موبايلي أكلمها
و لقيتها باعتالي رسالة
و لقيتني واحشها أكتر منها
رسالتها انطبعت جوايه
و بنن عيون قلبي قريتها
و دموعي انسابت من ألمي
ذبحتني و هي بتتدلع
حسيتها يا كبدي بتتقطع
بتقول لي يا بابا انت واحشني
و انا من اسبوع كنت معاها
أتاريني في غفلة أوهامي
مش دريان بيها أنا نسيتها !!
و البنت الحلوة الامورة
كبرت و بقت أحلى عروسة
و أنا لسه شايفها بتغفيلي
النونو القطة الننوسة
و بجيب لها من جهلي معايا
مصاصا و نوجا و بسبوسة
بصيت في مراية ايامي
شفت خيال واقف قدامي
كل ما بتحرك يتحرك
مخايلني مانيش شايف نفسي
سهمت و فكرت شوية ؟
مين ده اللي سكن فجأة معايا ؟
خلاني مابصش في مرايا ؟
يا اخوننا مايكونش حرامي
جاي يسرق تحويشة عمري ؟
من خوفي على المال هددته
و مسكت عصايتي و دغدغته
كسرت مرايتي متين حته
و سمعته بيضحك جوايا !!
و جريت على صورتي اللي اعرفها
بصيت في ملامحي و ملامحها
معرفتش أجمع تفاصيلي
و لقيتني بصرخ قدامها
مين انا . . . و مين انتي ؟
طلعت اجري . . .
ع اللي انا آل فكرته حرامي
و لقيتني بدور حوالين نفسي !
و لقيت الشبح اللي بطارده
ساب لي الأموال و سرق عمري ؟!
و رجعت لبنتي الامورة
لملمت ملامحي المكسورة
و بعت رسالة اعزيها
انا آسف . . . و انتي معذورة !!

الشاعر : عمرو عماره

 

[نادية المرزوقي]

فعلا هي الأعمار
تجري بنا فلا نعود نعرف ملامحنا التي تركناها خلفنا
تجري لتلحق بنا
لكن ،، تعجز و نعجز نحن


، رااائع أخي عمرو عماره
و الله يحفظ لك البنت الأمورة و تتربى فعزك
و تفرح فيها يا رب


،، قصيدة
رغم بساطة اللهجة التي نحبها و هي المصرية
إلا أنها تحمل فلسفة عمر

كلنا نعيشها و نعبر عنها بطرق مختلفة
لكن الهم واحد


،


بورك القلم
تقبل احترامي و تقديري

انتظر مزيدك من جديدك اخي الكريم
رعاك الله

 

[ميــرال]

استمتعت بقراءتك
قصيده لذيذه واسمها قصيده اخرى
شكرا ياعمرو لحضورك هنا ولحرفك
كلي تقدير

 

[سعيد الموسى]

بريئة هذه المعزوفة , وجميلة كجمال النيل
أستمتعت بها ياعمرو
أشكرك .

 

[علي الحسني]

جميل ياعمرو

نص درامي رائع بأسلوب مشوق للقراءة

دام ألقك

 

[عمرو عماره]

أختي العزيزة
الشاعرة القديرة
نادية المرزوقي
لست أعرف كيف أشكرك
على هكذا سناء من قلمك
لقصيدتي المتواضعة
أسأل الله أن يجازيك عني
خيرالجـــــــــزاء

أخوك / عمرو عماره

 

[عمرو عماره]

أشكرك ميرال
على تلطفك معي
و مزاحك الذي أبهجني
وأضاء بالنور طريقي
فشكرا لك على
المرور الكريم

تحياتي : عمرو عماره

 

[عمرو عماره]

أخي الحبيب سعيد موسى

دام لي ثاؤك العالي
و طاب مرورك يا سيدي