باب السهر

[محمد المغضي]

ويدق صوتك على باب السهر / واارد
مابه احد غير تبغي ودمعي واهاتي

والشمعه اللي من انفاسي تميّل قد
تلم وتبعثر الظلما في نظراتي

اتذكرك وانت باحضاني لقلبي تعد
دقاته لما اطوّل عنك بسكاتي

اتذكر اخر صدى من عطرك اللي يمد
فيني نهارك الى شهقة مساءاتي

واليوم منّك بقى لي طيف اخاف يصد
عني واخاف انّه يتجاهل مناداتي

ياللي عن الناس وحدك كنت فيني تسد
تدري غيابك كسرني بملح دمعاتي

ياللي على ضلوعي حبك كل ماله يشد
واموت وانا أعض اسمك على شفاتي

ماقلتلك ماني حمل فراق فيني يهد
روحي ويبعثر فراقك كل خطواتي

 

[عبدالإله المالك]

السهر والشعر صنوان لا يفترقان
شعر ينم عن ذات شفافة مرهفة نضج بالصفاء والنقاء
حييت كثيرا يا محمد

 

[سعيد الموسى]

أهلاً يامحمّد ..

ياللي على ضلوعي حبك كل ماله يشد
واموت وانا أعض اسمك على شفاتي

ماأروع هذه الصورة ، ومن يكتبها كما فعلت
جميل جداً