تغريدات شعراء وشاعرات أبعاد /تويتر

[بندر العنزي]

من ماحترمني ما أعتبرته من اعداي
ولاكــل صـاحـب يستـحـق احتـرامـي

عـثـرات نفـسـي مـاتـبـدل سـجـايـاي
ومـطـيـح غـيــري مايـعـلّـي مـقـامـي

أصيـب وأخـطـي و أتعـلّـم خطـايـاي
وارمــي ولــو قـدامـي الـفـيـن رامــي

 

[بندر العنزي]

ويش في بعض الخلايق ماتشوم
وش بلا العالم بها قل إحتـرام

قلوا اهل العراف والناس القروم
وشاخ في هذا الزمن ولد الحرام

يوم صار الحر بالسبّق امحكوم
إرتفع طيـر الرخم والبوم حام

أشهد ان اهل المصالح ماتـدوم
تنكشف مادمّت تسري لـلآمام

من يدور العز مع ناسٍ(ن) رخوم
مالقى فـي طردهم رِفعـة مقـام



الشاعر: بندر العنزي_✒️

 

[فهد الغبين]

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الغربة ..اللي لبسوها ..بلادي=ماعايشوها في بلادي ..اجانب
غربة وطن كم لملمت لي سوادي=حتى لقيت الهم ماسكني جانب
[/poem]

 

[صالح الشملاني]

ليلة هجر تشبه منافي بلادي
ملل وضيقه والشوارع حزينه

واقف على شباك حلمي وانادي
حتى ذبل صوتي وكَفن حنينه !




صالح الشملاني

 

[صالح الشملاني]

ياطويل العمر ماعندك .. عمر !
ابغى أجرب عيشتك لو ليلتين


ودي اشعر كيف لحضاتك تمر
وامنياتك تختصرها ... كلمتين !





صالح الشملاني

 

[محمد السالم]

بشّت دموع عيني بالتحية لهم
جنّبوني وانا واقف ولا سلّموا
ليتهم ما اعرفوني كان ادوّر لهم
عذر يمكن يبرر مابعيني جنوا

 

[محمد السالم]

هزّي بجذع السالفة يمكن يطيح
من غصنها حرف العتب ويتحاكى
خليك غيم كل ما حبّت الريح
برضي حزن ؛ تستعبره ويتباكى

 

[محمد السالم]

مازلت انا هو ؛ مثل ما كنت يا " نور "
ما بين حلمي والحقيقة توافق
تستغربي وشلون ما صرت ميسور
فقر الحشيم ؛ ولا غناة المنافق