.
ما طعنته في صميمه هذي طعنة خنجره
..................... هو رفع محزم ظنونه ... فوق صدره ثم ثار
جيت اسلم ثم احضنه ثم ابوسه واشكره
..................... جيت اطبطب فوق كتفه .. صد عني واستدار
راح يركض في ذهوله ما عجبني منظره
..................... شب ناره في وريده صارت .. ضلوعه وجار
كل بابٍ كنت أصكه .. جاب جيشه يكسره
..................... كيف اغطي في عباتي شمس تملا هـ النهار
والله إني حيل أحاول ../ قد ما قدر استره
..................... والله أني إيه أحبه .. إيه أحبه ... مهما صار
أسالوه .. بكل حبي .. كود يرجع .. منبره
..................... الزوايا وسط روحي له .. [ بيوت ] وله مزار
أسالوه .. شْلون جاني .. كل حبلٍ .. يبتره
.....................من عطاه الحق يلبس [ ثوب شكه ] في القرار
ذكروه أوصاف وجهه.. كيف وجهه يذكره
..................... بلغوه الكون [ واضح ] ... كل شي ٍ له مدار
ذكروه .. شْلون ليله .. في جروحه يسهره
..................... وبلغوه [ الشمس تطلع ] . مهما طال الانتظار
بلغوه إن [ الخناجر ] .. في ضلوعه تعذره
..................... وعلموه شْلون جرحه .../ يستصيغ الاعتذار
بلغوه .. انه حبيبي وسط روحي .. ما كثره
..................... وبلغوه انه سكني ... [ صار لي ] حاكم ودار
ما طعنته لا وربي ... وان جرحت المعذره
..................... هذي هي كل الحقيقه في [ رحيله ] .. باختصار
.