مابين الشارقه ودبي مساء الاربعاء اللي فات !

[صلاح سعد]

.

بعد التحية والسلام
قصيدة خفيفه وطريفه ..


.



مابين الشارقه ودبي مساء الاربعا .. اللي فات
حوالي الساعه سبعه ونصْ تزيد او تنقص اوقاتي


لمحت الزين على دربي ياحيْ شوفه جميل صفات
تعداني على مرسدس وحالي بعده اشتاتي


شبيه الريم من حسنه تقوم وتقعد الحلوات
كذا يجرحني برمشه وكذا تبرى جراحاتي


شعاعه لج بضلوعي وصحى شي حسبته مات
جيوشن من رمش عينه رمتني في متاهاتي


سمعت لخالد الفيصل قصيدة اسمها معاناة
يغنيها رخيم الصوت يشيل ابها معاناتي


وتضوي اشارة حمراء وتنوقف بعد لحظات
نويت اكلمه باللين انا صادق بنياتي


تبسم من لطف ذوقه ورد من الحيا بهمسات
تثنى يوم حييته عسى يصدق بهقواتي


عباته كمها مرفوع ونقش الحنا له بصمات
تعب من خصله في شعره يرتبها بلمساتي


يدينك ماخلها الله لجل تتعب وهي ترفات
يدينك تامر وتنهي رغم بعد المسافاتي


تشف العلكه ترياقك وتعطيها الحلا نوبات
ونوبه تزم بشفاتك وتشعل جمر آهاتي


جمعت الملح والسكر وغطى وردك الوجنات
ياصورة لو ابوصفها تقصًز عنها كلماتي



يا اجمل من سكن بدبي ياشمسن في سما نجمات
تقل كن ما خلقك الله سوى متعه لنظراتي



وكل ما زدت انا بمدحه وراسي يقدح الابيات
عيونه تمتلي غبطه وتطلب زود من ابياتي


وفجاة انتهى حلمي وانا اسمع ضجيج اصوات
نسيت اني بإشارة سير انا قافل ممراتي


ينبهني بنظراته وهو يكتم على الضحكات
وودعته بحفظ الله عسى ردبه مسراتي



كثر طيبه وتهذيبه وكثر ما تخيله ساعات
حلمت اني اسولف له وهو يسمع بانصاتي



حسافه ماسمع شعري وضاع بزحمة الطرقات
ولكن العوض قدام وبختم شعري بالاتي



اذا في يوم بتقراها سلامي خص لك بالذات
سلامي لدرب جمعنا ولمن يقرا تحياتي




وسلامتكم !

 

[غنى طارق]

الله ي صلاح
أبيَات مضيئة كَنور وجودكَ بيننا
لا فض فوك و لروحكَ والورد

 

[صلاح سعد]

.

سلمتِ ..والنور في وجودك الجميل ياغنى

لك اجمل تحيه

 

[وادرين]

صلاح سعد

فديت الشارقه ودبي والحلا فيهم

قصيده اسعدتني كثيرا

وادرين