لــعنــة الــذاكــرة

[عبدالحميد بن ناحي]

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]سامح الله كل ذكرى بيّحت مكنون صدري = جابها ليل الندامة وارتكت بين الحنايا
مايطيب الجرح غاير لانزفه احساس حبري = كل كلمه من شعوره زادت بقلبي شقايا
والله انّ العشق بعده يلحقه مني بقبري = والله انّ القاف بعده صدق يشكي من جفايا
كنت احبّك واعتذر مازلت احبّك وانت عمري = والضياع المر قلب(ن) ماحسب درب الخطايا
قلب ماملّك لو انّه مل كثر الصبر صبري = وش تبي وضلوع خفاق الهوى عوج وعرايا
بيّح الله سدّ قلب(ن) هيّضه بالوجد قمري = كل مافاضت عيونه صاح يااهل العشق يا .. يا
ماطلبتك غير حاجة وانت باللي صار تدري = وادري انّك لو تبي تجهل بمكنون النوايا
ماعطيتك غير بيض احساس من قلبي وشعري = وانت ماخليت غير طعون خفاقي هدايا
شف سراحين الغلا بين العروق الجرد تجري = ويش اسوي والذيابه وسط خفاقي لعايا
كان لك قلب(ن) يحنّ اعرف تراني ضعت بدري = فيك اهوجس في خيالك من خلايا في خلايا
مالعنت الذاكرة في هاجسي من قبل تطري = لاجل اقول انّ الوفا لاهل الوفا طبع وسجايا
قلت اسامح كل ذكرى جت مع الهوجاس تسري = وقلت اسامح كل طاري له ورى صدري خفايا
سامح الله كل ذكرى جت تبي تشتيت فكري = وسامح الله كل غالي له وطن بين الحنايا[/POEM]

 

[زويد الرويلي]

مساء .....

أنار السماء ..... شعر.

وعطر ...... الذاكر.

شكرا" ...... يا عبدالحميد.


دمت ودام ... المطر.

تقديري.

 

[سعـد الوهابي]

.
.
.

القدير


" بن ناحي . . عبدالحميد "


شاعريتك . . راقية جداً . .

بين الفكرة والحبكة والترابط . .

تأخذنا معك في نزهة شعرية خالصة . .

لله درك وسلم فكرك وبوحك

وصح قلبك



احتراماتي

سعـد

 

[نجلاء الشريف]

ونسقط في غياهب اللعنه ..ليلاً

.
عبد الحميد

و حرف هطل من رحم الغيم مُبلل بماء الود

صح كٌلك

وجنائن ورد

 

[نواف التركي]

عبدالحميد

سامح الله كل ذكرى , تجيد والله العزف على أوتار القلوب , وتبقى الشاعر الأجمل روحاً وعفويه , حضوراً وفكراً .


صح قلبك
ودمت بخير

 

[أصيله المعمري]

هنا لعنه
وذاكرة
وشعر لا يسكن إلا في الروح


كالعاده هنا الشعر الباقي عبدالحميد ناجي


صح نبضك

 

[وليد الفالح]

عبدالحميد بن ناحي
جميل دائما ومتميز
مودتي

 

[محمد السالم]

عبدالحميد :


في كل نصّ تشدني أكثر من ماقبله


لله درك

وصح الله السانك