جوري
يغار من حمرة خجلك الجوري
ومالوم عطره لو شعر بالغيرة
يا فاتنتني لا تلومي شعوري
مالـمت زينك يـوم قـام يثيره
لا يا ربيع احساس قلبي ثـوري
تجمهرت لــك بالـحنايا ديـــرة
ارسي دعائم حكمك الجمهوري
او صيريني مملـكـة يا ميرة
بعضي تنكر قام يرفض شوري
والبعض الاخر عــاجزٍ لا ديره
ما عـاد يمنعني لـ اجيك غـروري
والعقل ماله في حضورك خيره
بيحت سدي وانكشف مستوري
ياالله سترك من يفضك سيرة
بالهون يا جرحي و يا دكتوري
ياعـقـدة الشاعر و يا تنـويره
ما ابيك تفضحني مـعَ جمهوري
واوصف حلاك اللي ينقط شيره
النـاس تبلش تلتـزق بسطوري
وابلش بزينك ما عرف تحريره
لاغاب زولك وش يفيد حضوري
وليا حضرت اتملكـتني حيرة
ماني موكد وجهك الـبلـوري
فيك اتشاغل من حلاك بغيره
أخاف لظلم حسنك الاسطوري
وماني بحاول رغم ذا تزويره
و ان كان تبغي الحل قومي دوري
لٓفِّي عليهم كـلـن و تـعـبـيـره
من لا يقدر فيك بعض شعوري
عله يموت أن شاف حسنك غِيره
أبو ريلام