جيت للدنيا يرافقني بكاي
ـــــــــــ وصرخة الميلاد.. صرخة للحد
البياض اللي يلوّن لي هناي
ــــــــــــ نفسه اللي يْلفّني يوم الفقد
أسأل سْنيني ترجعلي صِباي
ـــــــــــ يوم كنت بْطيش مغرور وْوَلد
باكر السّاري قبلْ ظِلّي عصاي
ــــــــــــ بهْ أهشّ الخوف واتْوكّأ الجَلَد
بين طرْفة عين غافلني عناي
ــــــــــــ طحت ويديني تدوّر لي سَند
ما معي إلاي يتنفّس شقــاي
ــــــــــــ مخْتنق بيْ حزْن ماله أيْ أمد
غارق بْضعفي على قسوة ظماي
ــــــــــــ منْطوي مكسور والعيشة كَبَد
أجري وْتجري المنايا في دماي
ــــــــــــ منسجن في ذاتي واشكي البعد
تكثر الْجدران في عتمة مداي
ــــــــــــ رحلتي طالت وأشواقي مَدد
شاخ صوتي قبْل لا يكبر صداي
ــــــــــــ وانطفى نجمي وانا اترجى الوعد
طاحت سْنين العمرْ/ جفّت سماي
ــــــــــــ والحصاد مْن الأماني للّحَــــد
رحت خاوي من ظلالي/ من أناي
ــــــــــــ كنـّني مــا جيـت للدنيا أبـد
[video=youtube;7fprH0QfmgM]https://