تحملوني لو بدا الهرج قاسي

[عبدالله البطي]

الارض رجت والجبال الرواسي
طاحت وضمت قاعها وابلج البرق
والغيم شح وقطرها صار ناسي
مدري منعه الله او مانع الغرق
يالي تسوي للدعاره اماسي
لاغربها غربً ولاشرقها شرق
تشابهت وجهاتها وسط راسي
ومل القصيد الطٓرق وش صابه الطرق
طيحوا سوات الثلج تحت الكراسي
وانسج عليها فرق لو غايب الفرق
ياليت قصاف الاعمار فاسي
واخذ ثلاث اعمار واقصر القرق
خاسي رنين العود والفن خاسي
لو مضرب الامثال يكتب عن الورق
ماعدت اميز بين خمس الحواسي
عيني ضريره وشق الاسماع مارق
لكن ضميري حي خلف اللباسي
ينبض لهيبً يحرق الزايفه حرق
بالمختصر للاهل العقول السواسي
في كل قاع وكل لونن وكل عرق
( تحملوني لو بدا الهرج قاسي )
وش نقع ابيوت الكريمين بالذرق
الى متى! حنا نعيش المئاسي
الى متى والشمس تشرق معى الشرق

 

[علياء]

_




لكن ضميري حي خلف اللباسي

وهذا أهم شيء يا عبدالله
نسأل الله السلامة من الزمن هذا

أبيات تحاكي الواقع
صح الله لسانك عليها ..

 

[سيرين]

نظم من الق
تناغم به الحرف بما أوفى حق الضياء
سلم البنان وسحر البيان شاعرنا المبدع
ود وياسمين

\..

 

[عَلاَمَ]

مُعبره ..
سيد عبدالله شكرا لك

 

[نادرة عبدالحي]

ويبقى الشعر سيد المواقف
سلمت يداكَ شاعرنا الكريم
ولتبقى محبرتكم عامرة بالخير وخير الوصايا،