ارتداد

[ماجد العيد]

عيوني هشيم ..
تكسّرت فيها الصور ..
و مرايتي مرٍّ قديم ..
يغيب فيها اللي حضر ..
مرايتي ..
في وسطها ..
بنتٍ تضاحك بسطها ..
كانت هنا قبل الهشيم ..
قبل المحابر و الورق ..
قبل الأرق ..
قبل العتيم ..
مرايتي .. عيوني هشيم ..
و قلبي هشيم ..
و الشاعر اللي يناظرك ..
.
.
أصبح هشيم !!

 

[ماجد العيد]

حزين ..
و دمعي يبلّل طين ..
و كنّي ألم من طين ..
و أجمع قلوب الناس ..
و كنّي ألمّ من طين !

 

[ماجد العيد]

خليط ..


حبيبتي ، ما بقى نجمات
أنا من النجم ليلي عاري !
سَرَتْ، وجفني مداه سْكات
صوتي! وصوتي بعد ساري
الله ، يا كثر شيٍ مات
ما عادت أخباري أخباري
أخذت من عمري اللي فات
قلبي و خايف من أقداري
ما شفت باقي عداه فْتات
و داري .. و تدرين وش داري ؟!
حبيبتي لو أبوح أوقات
حبيبتي صدري أسواري
حبيبتي، أصدق اللحظات
حبيبتي و أصدق أعذاري !

 

[ماجد العيد]

في وطن ..


لأنّه بالأساس أبكم ..
تعجّب ليه ؟
خِلِقْ فمّ !

 

[ماجد العيد]

قالوا لها تنسين ..
قالوا لها باكر ..
- إن مرّها باكر ..
إن مرّها ساهي ..
ما مرّها ذاكر ! -
يرحل وجع يومك ..
حبيبته و تنسين ..
قالوا لها ..
لاحساسها اللي مو لها ..
ولْدمعها اللي ملّها ..
إذا الصور ذي ظلّها ..
باكر يجي ..
و يظلّها ..
يا حسّها الذاكر ..
ذي صورة الـ باكر ..
قالوا لها تنسين !

 

[ماجد العيد]

البارحة كانت معه ..
و اليوم جته مودّعة ..
هي قصةٍ و بتنتهي ..
وبعض القصص ..
.
كم موجعة !!

 

[ماجد العيد]

مات ..
مَلّته هذي الحياة ..
أعطته بعض السنين و خلّته ..
بسطته .. هي كفّ طين و بلّته ..
لاجل يعجن من ظروفه ..
ما تشكّل ذكريات ..
مات ..
كان الأقدر للرحيل ..
و كان الأجدر بالحياة ..
مات ..
بذمّته أربع خوات ..
وأم ماتت بس جسدها ..
خلّده كرسي و عباة !
مات ..
و الوصية ..
فتّشوها .. قلّبوها .. حللّوها ..
ما بها أي شيء واقع ..
أمنيات بْـ أمنيات !!
مات ..
هالشباب و شيب عمره ..
و عسر أمره ..
و الزمان اللي يعاند ..
مهما سلّم فيه أمره ..
مات ..
حتى تعرف في بلادك ..
.
وش هو معنى المعجزات !

 

[ماجد العيد]

هي الدمعة ..
إذا الأحزان مجتمعة !