اشتقت نظره عابره .. بس وينه !! بداح الشويب

[بداح المطيري]

الليل حلم ، وطلّة الواقع اشراق ..
وللنفس حق وخلوّة النفس زينه !!

خذيت من وقتي متاهات وارهاق ..
واحتجت غربه.. مّع غياب المدينه

مافيه غير احزان واشعار و اوراق
تكتم من اللوعات حر الكنينه ..

اول محطات الحزن غيمة افراق
واخر محطات الهموم الغبينه

وأصدق حروف الود راقت ولا راق
وجه الغياب اللي مكبل حنينه ..

تنزف من جروح الندم لهفة أشواق
لو المشاعر وسط صدري دفينه ..

وش قيمة الانسان لا صار يشتاق
وش قيمة المرسا !! بليا سفينه !!

لو الحنين يوسع الصدر لا ضاق
مادامت اوجيه المفارق حزينه ..

ما للقطاعه باب !! من باب الاخلاق
اشتقت نظره عابره .. بس وينه !!

#بداح_الشويب

 

[نورة القحطاني]

ابداع
ماشاء الله تبارك الله
ربي يزيدك من فضله

 

[رشا عرابي]

نزفٌ يوشّي السطر بـ خضاب الرّهافة

وأصدق حروف الود راقت ولا راق
وجه الغياب اللي مكبل حنينه ..

يروقني الشعر الـ يتنفس

لك التحايا من وريد العطر جوري

 

[عامر الأشجعي]

وش قيمة الانسان لا صار يشتاق
وش قيمة المرسا !! بليا سفينه !!

:

وقفت على هذا البيت : بيت عن قصيدة
وقصيدة بكل ماتحمله الكلمة من معنى رائعة ، ومعبّرة

بداح الشويب : استمعت هنا ..
شكراً لك

 

[عبدالإله المالك]

وما قيمة الشعر بدون شعراء يا بداح

أبيات رائعة جدا

 

[نادرة عبدالحي]

اي والله صحيح هالكلام للنفس حق كما ذهن والجسد حق بتغذيتهما
فالنفس تحتاج للإبتعاد عن الضجيج والخلوة والراحة لتستطيع مُزاولة مهامها
فعلة النفس أمرٌ ليس بالهين ، فالخلوة هي رحلة يشعر صاحب النفس إن قام بها بالتغيير ،

وللنفس حق وخلوّة النفس زينه !!

 

[بداح المطيري]

المشاركة الأصلية كتبت بواسطة نورة القحطاني

ابداع
ماشاء الله تبارك الله
ربي يزيدك من فضله

ذائقتك الراقيه 💐

 

[بداح المطيري]

المشاركة الأصلية كتبت بواسطة رشا عرابي

نزفٌ يوشّي السطر بـ خضاب الرّهافة

وأصدق حروف الود راقت ولا راق
وجه الغياب اللي مكبل حنينه ..

يروقني الشعر الـ يتنفس

لك التحايا من وريد العطر جوري

يسعدني مرورك