بين الراء والسين والميم ...

[سمر القحطاني]

رسامة
يعني كيان آخر
والرسام ..
بكل بساطة
شخص بسيط ومسكين
...راس مالي
فرش وسكاكين

وسادتي ( كانفس
لحافي ( اكلرك

تغذيني الوان زيتيه
ترويني الوان مائية

لا اقاوم الباستيل
وهواي اقلام التضليل

العالم عندي الوان ... والمستقبل خطوط
اعشق الحرية وا كره الشروط

كيان آخر

مختلف
بفكر منجرف
نحو اشياء يجهلها الكثير
اشتريها من مكتبة جرير

سر مدفون
في قسم لوازم الفنون
سحر ( ونسر اند نيوتن )
=هاري بوتر الفنانين

وباقي عدتي وعتادي
اشتريها
من محلات ابو معطي
الله يبارك فيها
...

والسر في
والروح ..
والماضي المجروح
يظل الرسام .. لغز مطروح


وأظل أنا
كيان آخر
....

 

[سمر القحطاني]

امام لوحتي .. يقف:
ممكن سؤال ..؟؟

لحظة احراج
سؤال ما جا على المزاج ...
وش اقول
والشرح يطول
تعاقبت فيني كل الفصول

حر وشتا
صبح ومسا

وينك يا درب الهروب
او أي درب من الدروب

يفكني من هالعذاب
يعطي للسائل جواب

ليه .. ومتى ؟؟

يعني مدري وش اقول
الشرح يطول
ويمكن ما يلقى قبول

يكفي ياعالم فضول

لوحتي وواضحة ..
ليه هالاسئلة الفاضحة ..

رد واعتذر ... ولك الحق بالتكتم ..

..اي تكتم؟؟
وحدة ترسم ..!!

يعني ماتقدر تبوح ..
والمعاني واضحة كل الوضوح ..
كلمة .. تقراها وتروح ..


ولا تفهمني انك اشطر ..
ليه ذا احمر وذا لونه اصفر ؟؟؟
ليه ذا صغير ماهو اكبر ؟؟؟

لو سمحت لا تحاول تسال اكثر ..

خلي الخبايا .. في الزويا
ادفن على كل الحكايا

...لو حتي وواضحة ...
بس لو نظرة راجحة

تنكشف كل العجايب

بدون .. اسئله حساسة
اهرب منها بسياسة
...

 

[سمر القحطاني]

أحجار
وصخوووور
مجرد شعور

احب اوصفه ..

كلام اجيبه من راسي

نظره للعالم القاسي ...
حرة في وصف احساسي

اعرف حقيقة شهورهم ..
ولا يهمني فضولهم ..

ووصفهم ما يمثلني
سهامهم ما تقتلني
ولا اقوى سيوفهم ... ما تقدر

انا بكيفي اتحجر

ارسم صخور وادمرها
ابني بيوت واكسرها
احط الواني وابعثرها

لوحتي والواني
وانا الي اعاني
وارسم المعاني

محد يقدر يحدني ..
كفاية . .ماجاني

محد يقدر يوصفني ..
غير الي يعرفني

ويفهم ليش هالصخور

وليه احس بهالشعور

وليش الدنيا ماتدور
غير

عشان تعذبني

ياربي لا تعاتبني...

لك الحمد في كل حال

...