ذااائقة ... عبدالله

[عبدالله الجودي]

مـو كل مره أحـب وتسـلـم الـجـرّه
لي نفس تشري وصالك لا تبيّعها

الفرصه إللي تجي لك بالعمر مرّه
حاول بـ أنك تضيع .. وماتضيعها

 

[عبدالله الجودي]

من يوم مالوّحوا بكفوفهم لـ الوداع
وهذا مكاني على حطة يدين الجروح

كل الدروب الوسيعة تنتهي بالضياع
راحوا ولا علموني بعدهم وين أروح

 

[عبدالله الجودي]

ع الجرح شُكراً ياحبيبي وحيّاك
مافيه جُمله في غرامك “ مُفيده

بتروح ؟ سكّر باب الأشواق ويّاك
فرصه بـ أحاول أعتبرها سعيده

 

[عبدالله الجودي]

أنتي دلع / أنتي حلا / أنتي فرس
بالمختصر أنتي فتاةٌ رائعـه

مفروض مثلك لا مشى ياخذ حرس
خوفٍ عليك من النفوس الجائعه !

 

[عبدالله الجودي]

عيونك احلى عيون لا تسأليني
مادام حتى الشعر بالوصف يبلش

يكفي .. ليا حطيت عينك بعيني
اكره عيوني .. كل ما جات ترمش

 

[عبدالله الجودي]

هذا أنا .. جالس على دكة / الحب
أتابع . . . اشواط الغياب الإضافي

على أمل ركلـة وصل تنعش القلب
من قبل صفارة فراق و تجافي ...

 

[عبدالله الجودي]

ظروف .. دايم .. تفرّقنا .. وتجمعنا
وما تحسب حساب تعذيبي وتعذيبك

ودّي .. أجيب الزمن .. وأقعّده معنا
وأعرف ... ليه الزمن ياخذك ويجيبك

 

[عبدالله الجودي]

كل ماحاولت من همّي أطير
أسمع الدنيا تردد : ياسلام

كنّ هذا الوقت شارع مستدير
أهرب من الليل وادخل : بالظلام