الى النوم مع التحية !

[عبدالعزيز الرميحي]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالنوم سبّوك مايدرون وش زينك =قالوا تضيع المراجل عند نوامه
يالنوم شفنا كثير الخلق جافينك =كلٍ سهر في طرف ليلاه وهيامه
يعجز قصير النظر يفهم مضامينك = يانعمة النوم فيك قلوب قوامه

كم من عليلٍ نشد من علته وينك =على فراش المرض ما تسكن الامه
والا سجين انتحى ما بينه وبينك =ماذاق نوم وسياط الجور قدامه

صحيح لك وقت لا حليت ياشينك =ما طولك ياليل والنزوات حوامه


تركي على غاربه وتسل سكينك =لو هو تعوذ من الشيطان ماحامه
تاخذه سجات مع باهي مزاوينك =والنفس امارة ماهي بلوامه

تطوي به البيد مع باقي مساجينك =ويعود خسران مزواده ومحزامه

محلاك يا النوم في غفوات مغلينك =اللي مع الفجر الاول ترفع الهامه















[/poem]

 

[ميــرال]

محلاك يا النوم في غفوات مغلينـك

.
ومااحلا هذا الحرف وهذا الشعر المختلف
عبدالعزيز متجدد كعادتك وعذب
كل التقدير لقلبك

 

[علي الحسني]

أيو الله صدقت ياعبدالعزيز
مبدع كما عهدناك لاتأتي إلا بالأجمل

شكراً وأكثر على هكذا شعر

دام ألقك

 

[سعد الجميلي]

رائع اخي عبدالعزيز كعادتك مميز

 

[عبدالإله المالك]

الشاعر عبدالعزيز

موضوع جديد وجيد عالجته بأبيات جميلة وشاعريتها عذبة

 

[أشواق مكتومة]

محلاك يا النوم في غفوات مغلينـك

اللي مـع الفجـر الاول ترفـع الهامـه

صدقت.. محلاك يالنوم
أبيات انفردت بالجمال
لا فض فوك