هذه رسالة دكتوراة في هموم الشارع القططي
اذكر انني قدمتها باسمي المستعار وتلقٌيت ردا كتب فيه ( لو تموت ) اها بس
واليوم انا جيت اقد>م هالرساله بينكم
في يوم من الأياااام وانا بوحده من المدن هنا وانا امشي مرّيت جنب قطوه
القطوه ياكثر مااشوفهااا بس اللي خلاني استغرب ان القطوه والله ولا درت عني ولاكني شي ...!!!!!
عقبها قمت أسأل نفسي بالله بلغت الوقاحه للقطاوه لذي الدررجه حتى انها
ماتعبّر لأحد صدق (قطاوه ماتربت ) !!!!
.
.
ثم قلت ايييييييه راحت أياااام أول وين ذي القطاوه وقطاوة الديره ؟!!
ياشيخ قلت بنفسي (( والله لو انك يالقطو عندنا أقسم بالله ان تفرّك كنك شايف الموووت )).
.
ولهذا قمت بدراسه عن الأسباب المؤديه لمثل هذه الموااااقف ....
_______________________
أووووووووولا )
قطاوة الديره عندهم تنظيم ونظااام وعندهم قانوووون والقانون الأول يقول .. أقل مسافه بينك وبين هالصبيّان 60 متر أقل من كذا معناتها الموت المحتم .......\ أما بالمدينه ياشيخ تقعد بحظنك ولا درت عنك ...
== السبب == أولاد الديره مايشوفووون قطوه الا وعلى طووول كنه شايف ابليس ؟!! ... والقطو عاااد ياعزتي له لو ماكان ماخذ الاحتياطات رااااح يروووح فيها ( 60 ) متر أقرب مسااافه لاتنسون ....
بالله ليش 60 متر بالذااات ؟
السببب هنا ((((الأول))))
سرعة عيال الديره تفوق ال 23 كيلو متر ( وهو لابس النعال -تكرمون - )و32 كيلو متر ( وهو حافي القدمييين ) !!!!!! في حين سرعة أسرع قطو
( حسب الخبره ) مابين 24 -26 !! يعني راحوا فيهااا أغلب عيال الديره الصغاار مايمشون الا وهم حافين !!!!
في حين في المدينه سرعة عيالها 16 كيلو متر ( بالبوت -تكرمون - ) و8 كيلو متر ( بالنعال -تكرمون - ) فقط !!!!!!
.
.
((( السبب الثاني ))))
أن المسافه التي يرمي بها عيال الديره والمدينه مختلفه وإليكم هذه الدراااسه الدقيقـــة من وكالاة << ناااااسااااا >> للعلوم الفضائيه !!!
** مدري وش دخلها ** المهم إليك الدراسه
.
مدى رمي الحجاره لأولاد القرى = 35 متر (للعادي) 45 متر
(للعسماااوي) << يعني اللي يرمي باليد اليسرى >>
ومدى دقة الإصااابه ونسبتها 87% من الرميااات تصيب الهدف 50 % منها مدمره !!!! في الرأس !! هذا (العادي) !!
أما الوقيع << الصويب >> فالأصابه بالغالب 99%
أما أبناء المدن
مدى الرميه = 10 متر ( وهو لابس قفااز ) !! وبدون قفااز 20سنتمتر فقط !!!
والدقه == يالله ان تخلف == *** ماعليش ناسا هي الي تقوله أنا مالي دخل ***
.
.
طبعا ماخذين بعين الاعتبااار أن أبناء القرى يملكووون سلاااحا فعااالا وهو النبيطه !!!! ...
مداها 66 متر و 88 متر ( لمتقنه الصنع ) وهي تصنع بسريه تااامه !!! حفاظا عليها من سرقة اختراعهاا المذهل !!!!
- انتهت دراسة وكالة نااااسااا للأخباار << ماعليش قصدي لعلوم الفضاااء >>
طبعا هذا كله السبب الأول بس !!!
_________________________________
ثانيــــــــــــــا)))
أن هناك وسائل صارمه للعقوبات تتخذ ضد القطاوه في القرى على عكس الديمقراطيه المدنيه !
اليكم بعض النماذج للعقوبات
من يقتل حيوانا داجنا من القطط = جزاؤه = القتل بالساكتون بخمس رصاصات !! هذا اذا ماهي بالكلاشينكوف
من يطب بالبيوت بالليالي لا وبعد يزعج هل البيت = جزاؤه = ضربه على الوجه ( بالزنانيب - تكرمون - ) !!!!
.
.
وآخر كلامي اسمحولي أن أقدم لكم بعض المواقف
قطو مسيكين توه واصل للقمامه - تكرمون - مامداه يطب بها إلا وبلكه مسقوعه على البرميييل .. مسكين طلعت روحه ونحاشت قبله وهو قااام يمشي مليووون !!!!!!!!
قطو ضعيّف طل على باب أحد البيوت ويوم التفت ! مادرى إلا والكوووره صاكه وجهه من الأولاد يلعبون .. شكله قااال ألعن اللي يدخل ذيك البيوت !!!
=========
سؤااال ؟ لوتدري حقوق الحيوان عنا وش بيسووون ... ياشيخ اذا كانت ذي الوكاله تدافع عن حقوق الحيوان بالورث من اصحابها مابالك باللي نسويه ..
سؤااال هل تلومون القطاوه لي هاجرت لجدّه والا أي مكان ؟ .....
===== على كلن كل اللي مر طيش عيال وصغاار لاتواخذونا على استرجاع الذكريات =====
مع التنويه أن المقال حوى الكثييير من المبالغاات مثل كلمة ( القتل ) بس
يلله على قولة السورييين من رقّتهم أي واحد ينضرب يقولون (( ولك هذا انأتل ))
بالنهايه
أرجوا أن لاأكون قد أثرت ضجر أحد منكم أو غضبه أو أسأت في كتاباتي من غير قصد ....
أو أكون زللت بكلماتي بما لا يليق ..
وتقبلوا تحياااتي ))))
على فكرة
كلّ المواقف انا بريء منها ومالي دخل
كذا الرسالة تقول وش دخلني ؟