حضوري الاول تــوك أشتقت

[عادل عواد العنزي]

السلام عليكم ورحمته الله وبركـاته

أخواني\أخواتي

مبدعين منتدى أبعــاد

حضرت وكلي شرف بأن يكون الداعي لي أخوي بدر حنيف
الذي أعتز بصداقته وشرفني بدعوته لي
وأنضمامي اليكم يسعدني..

وهذا النص البسيط الذي أتمنى أن يحوز على أعجاب الجميع
وأن يكون فال خير لي ورابط يجمعني بينكم..

تقبلووها







[poem="font="simplified arabic,5,gray,normal,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]أشتقت لي... في ذمتك توك أشتقت=في ذمتك بالله ماهي قويه
وينك من أول يوم أناديك مافقت=قدام عينك شفت وش صار فيه
أنواع أنا ذقت القهر منك أنا ذقت=طعم المرار وطعنت(ن) بي خفيه
تذكر حبيبي بوقتها ماتحامقت=أدري السوالف عن بعضها غنيه
لكن حبيبي شوف عيني تحققت=ولا أظن عيني تبتليبك خطيه
أذكر زمان" لا مضى فيه عوقت=نفسي..واسوي من زعلنا قضيه
نفسي محشومه لو بها ماتوفقت=وافي ونفسي ماتهاب المنيه
والحين راجع لي بعد ماتوهقت=مني الفراق يكون أجمل هديه
وبعد الجروح اللي بقلبي تضايقت=أصل الرجوع الحين ماهو بيديه
من بعد كل اللي حصل ماتلاحقت=في وقتها كانت حياتي شقيه
درب الشقا والهم من سبتك سقت=صارت حياتي من عدمها سويه
يمكن سلمت بوقتها ماتعلقت=وبنيت حلم الوصل والشاعريه
وعقب الزمان اللي مضى توك أشتقت=من بعد ماراحت عليك وعليه
وعقب الفراق وعقب طول الصبر ضقت=حسيت فيني يامفارق خويه
أنا الذي بعهود الاحباب مابقت=وافي وروحي للحبايب وفيه
لامرني طيفك من الشوق دنقت=والحين راجع أي...وربي قويه[/poem]