تعالي هجعي قلبي اليقامت شياطيني

[شوق السحاب]

:::::::تعالي هجعي قلبي اليقامت شياطيني::::::::



يايمه أسمعي صوتي ينادي قلبي الولهان
ــــــــــــ ينادي وانتي يايمه كأنك ماسمعتيني

تغير كل شي فيني وأنا أدري الزمن له شان
ـــــــــــ مالومك والله يايمة كبرت وماعرفتيني!!

تعالي ودي أحكيلك حكايا كان ياماكان
ــــــــــ حكايا ابتدت من يوم رحلتي وما سألتيني

تركتيني الغرابيل الزمن ومرادد القيفان
ــــــــــ تركتيني لشعر مجنون يترجم كل مافيني

تعالي بعثري همي تعالي لمي الأحزان
ــــــــــ تعالي هجعي قلبي اليقامت شياطيني

أنا طفله تركتيها وتركها الزمن نيشان
ـــــــــ قتلها بداخلي وأصبحت مثل منتي تشوفيني

كبرت صح يايمه؟؟؟ تغير كل شيئ الأن
ـــــــــ تعالي قولي وش رايك مثل منتي تمنيني

أنا أدري حيل أعجبتك ولكن خاطرك زعلان
ـــــــــ تكفين أرجووك يايمه للبسمه لا تجبريني

أنا ماقدر أنا أرسمها وقلبي ظامين عطشان
ــــــــــ أنا مقدر أترجمها وضيك تفقده عيني

نستني بسمة الطفلة ولا عندي لها عنوان
ــــــــــ أدورها ولا ألقاها مكتوبه في عناويني

تعالي فكي قيودي تعالي ياشذى الريحان
ــــــــــ تعالي حرري افراحي تعالي عاندي السنيني

تعالي ماأبي صوتي ترده أربعة جدران
ـــــــــ تعالي ودي يدينك تلامس راحة يديني

تعالي كم أنا أحتاجك تعالي غيري الألحان
ــــــــ تعالي أسقي وروداً توفت في بساتيني

تعالي لمي اشلاءً يقولون أنها لأنسان
ـــــــــ قتله الوقت وهو حي أذا ناديت يوحيني

تعااالي

تعالي ودي أحكيلك حكايا كان ياما كان
ـــــــــ حكايا ابتدت من يوم رحلتي وماسئلتيني!!



وسلامتكم



شوق السحاب

 

[وائل فهد]

شوق السحاب

نص رائع وراقي
دمتِ بهذا الابداع
كوني بخير

 

[خالد صالح الحربي]

*

شَوق الـ..سّحَاب:
شُكراً../. على.. مطَر الحضور..
وَ عَدَم.. الـْ..غِيَاب.

 

[شوق السحاب]

وائل فهد

الرائع تواجدك اخوي وحضوورك الراقي


دمت بخيرر

 

[شوق السحاب]

خالد الـــ..حربي


العفوو اخوي..

فحضوركم..حافزاً لحضوري وتواجدي...!


دائماً


دمت بخير


شوووق

 

[عبير الشوق]

غاليتي .. شوق

للمعنى اطهر عبق واصدق آلم

يترنح بين دفء السطور

صح لسانك

ودمتي..

 

[شـموخ]

يسرني .. ان اسجل اعجابي بروعه ما كتبت..

وما خطه قلمك..

كلمات مؤثره ولا اجمل ..

سلمت وسلم لنا قلمك الجميل ..

تحياتي

 

[صالح مصلح الحربي]

شوق السحاب

بوووح شجي ... ومشاعر نبيله ... واحساس عذب ....

غاليه هي الأم ... وغالي كل حرف بها / لها .....

دمتي بخير وسعاده