إفلاس السنين

[سليمان الشدوي]

إفلاس الســنين
ـــــــــــــــــــ
ـــــــــــــــــــــــ
ياغايبه / والشِعر مايزهر بدونك موسِـمه =
.......................ولاتهيم بلحن طايرها زهور الياسمين

ردي على صوت ً / تجمــّر فيه شوقه واضرمه =
............صوت الجريح/ اللي (حروفه )من عتبها تستكين

من( وحي شاعر) كِل ليله يحتفي بِكْ مُلهمه =
..... ينزِف لِكْ ( ايات الغلا) .. دمع ..ومواويل .. وأنين

ان جـر صوته بالألم / وان قال مالايفهمه =
................ يهتز مسباح القلق والجمر/ وانتي تلعبين

مِن علـّم الشاعر يدوزن (عـبرته)من علـّمه؟=
............ إلا صدى الأهات/ واحساس الحناجر/والحنين

ياغايبه/ كِـل العيون الناعسات المُغرمه =
...... شابت على شط الكِحـِل / والكِـحْـل في عينك سجين

انا اذكر ان السلهمه / كانت تـسمى سلهمه =
.............من قبل تبحر بك (مجاديف العيون) وترحلين

انتي من الشِعر اعذبه / وانتي من الحِلم اقدمه =
...........(غيمة جنونك) تغرق القيعان / لو ماتمطرين

ألـزمت في وصفك (شعاع النور) مالايلزمه =
...............اثقلته بطيفك / وطيفك يسبِقه في كل حين

ظِلِك تماهى في غموض (المفردات المُبهمه)=
..............احترت لونه شك ! والا الشك في ظِـلِك يقين !

حتى الحلا /ياخذ من اوصافك /خيال ويرسمه =
..........يشفع لوجهه من (وصوفك) / في عيون العاشقين

في ثغرِك (احساس المطر) و(الجمر الاحمر) يلثمه =
............. تروى وتتمايل (غصون الشوق) لو تتبسمين

كنت اجمع (احساس الورود) بنشوته واقدمه =
........ ترجـِف يدي واحسبك من (رجفة كفوفي) ترجفين

واليوم تاه (الغيم الازرق) والهوى في معصمه =
................. ودموع عيني (كِل قاسي) من همايلها يلين

إن كان باقي ياندم/ (حلمــٍ عزيز) ونندمه =
...................ماعاد باقي مُلهمَه /تستلهم الحِسّ الدفين

خِذ من حنيني/ مايرِدك للأمل في موسمه =
....................وانا وقلبي/نعلن افلاس الاماني /والسنين


ـــــــــــــــ

 

[خلف المهيلان]

الله نص رومنسي الشايب عاد لاحب مشكله كل الود لمطر روحك شاعر رائع ونقي وزميل عزيز على الكل

 

[عبدالإله المالك]

سليمان الشدوي ..

نص مجنون .. لأبعد الحدود ..

أنتَ موجود إذن هنا الشعر ..

سلمت

 

[عون القحطاني]

سليمان الشدوي

استمتعت بهذا النص من خلال المسابقة التي طرح من خلالها
وهنا كان لي شرف التواجد . فمثلك قادر على تحريك الساكن
شاعر جميل .. تستحق الشكر بلا حد

دمت كما تحب

 

[ماجد العيد]

شعر من الوزن الثقيل ..
لا تجد فيه شطراً إلا و دلالات الشعر تنضح منه
شكراً يا سليمان

 

[سليمان الشدوي]

المشاركة الأصلية كتبت بواسطة خلف المهيلان

الله نص رومنسي الشايب عاد لاحب مشكله كل الود لمطر روحك شاعر رائع ونقي وزميل عزيز على الكل

هلا ياخلف


ايه على قولك


شاكر مرورك

 

[سليمان الشدوي]

المشاركة الأصلية كتبت بواسطة عبدالإله المالك

سليمان الشدوي ..

نص مجنون .. لأبعد الحدود ..

أنتَ موجود إذن هنا الشعر ..

سلمت

هلا وغلا
........

شاكر مرورك

...........

دمت بحير

 

[سليمان الشدوي]

المشاركة الأصلية كتبت بواسطة عبدالإله المالك

سليمان الشدوي ..

نص مجنون .. لأبعد الحدود ..

أنتَ موجود إذن هنا الشعر ..

سلمت

هلا وغلا

...........


شاكر مرورك

.................

دمت بخير