تغريدات شعراء وشاعرات أبعاد /تويتر

[أنور السيفي]

تباري في فؤادي كلمتين
اداريهن ولاجاهن خمول

اغذيهن من الحلو الثمين
معانيهن تسامن بالحمول

(احبك ياحياتي) فالسنين
واراعيلك هناتك فالفصول

واقول اني لنبضاتك رهين
والوّن لك حياتك ياعسول

تعال اقرا احاسيس الحنين
تمشّا بردهة احساسي وجول

وبرّد نضرة افوادك تزين
مشاعر عابره واقول قول

تلاشا مابدا ياشوف عين
تنسّم خاطر ٍ عقب السيول

وفارق قلب مشتاقك حزين
ثري العاطفه في كل حول

 

[محمد علي الثوعي]

يا كثر خلق(ن) عن عيوني توارت
.................غابوا ..ولكن ..فعلهم بس ماغاب

الطيب يبقى مهما الاوقات جارت
.............ناس(ن)تسامت في هدفها والاسباب

ا بعاد لكن في ضميري استثارت
..............واقراب عندي وضعهم مثل الاغراب

النفس ثارت في منامي وطارت
..............راحت.. زيارة.. يمهم شوق واعجاب

محمد الثوعي

 

[أنور السيفي]

كسل كسل

ياصاحب البن مطلوب

دفقة كرم في كاس مقرن حراره

وديّ انشط حال للحين مشلول

عسى يعيد البن ماضي الاثاره..

 

[أنور السيفي]

كل الوجوه اتشابهت؟!
مدري كذا
متشابهه..!

تعالو نسأل بعضنا
ترى صحيح اتشابهت..؟!

الليل يخفي وجهنا
والصبح اشراق وامل

والوقت يمحي مامضى
او يبتدي طور ٍ جديد

او ينتهي عصر ٍ فريد

كل شي جايز فالزمن

إلا الوطن

الله ياحب الوطن
فقلوبنا حبه
يزيد

 

[أنور السيفي]

احبك يامدار الشوق

وانتي الأرض والمرسى

على شانك هويت الوصل

ما انسى..

جمعت الشعر ياروحي

من اغصانك..

والون حلو غاياتي
بألوانك..


الا يالغاليه شفتي

ملامح قلب غنّالك..؟!


مساراته ربيع

والحانه تضيع

مابين النور والبسمه

ياقبل الجميع..

 

[أنور السيفي]

تباديتي رثام

من عقب الصيام

ولمّا صارت اطرافك على ظلي نسيت

ان العود خام

وريح العطر فثيابي تلته مايفيد

كذا كنتي اكيد..

وشلتي للثام

اطالع للحمام

اذا ماطار ثم عوّد على ذيك الغصون

ياذاك النظام

تمشّى بلين خطواتك

ترى الدنيا زحام

 

[ميــرال]

‏من هنا مرت
وهزت غصوني
غصن
غصن
اشهقت روحي
بروحي
سلهمت للباقي الظامي وقالت له
بعد
ياراحتي وين
تونا نصفين
لابلنا ريف ومزجنا
ولاجفنا غصنين

 

[عوض احمد]

فجأة وظهرتي

من بين أحضان الثواني

نصفك وله

ونصفك الثاني أغاني