ارتداد

[ماجد العيد]

بلّل الميعاد .. وإلاّ بلَّللِك ؟!
آخر الأحزان .. وإلاّ أوّلِك ؟!
يا منافيك / الطريق ..
يا نِمَا فيك الحريق ..
من وين لك درب و رفيق ؟!
.
.
و إنتي الأماكن ..
تِجْهَلِك .!

 

[ماجد العيد]

خارج الذكرى رموك ..
ما لمح هـَ الشوق لامح ..
لا تعتبين إن نسوك ..
غلطتك ما لك ملامح .!

 

[ماجد العيد]

يا ساهر أشواقك ..
ما بانوا عشاقك .؟
ما بانوا إلا طيف ..
وجه لـْ خِدَاعْ و زيف ..

 

[ماجد العيد]

كلّي شبابيك ..
و كلّك خطاوي ..
ما تمرّ .!
للعمر طاريك ..
و أخاف ما يكفي العمر .!
صمتي من اللهفة عليك ..
يصرخ نظر ..
يصرخ يبيك ..
العمر ضاع ..
خذني مواعيد بـ تجي ..
لو بـ ارتجي ..
ومضة و شوف ..
نبضة و خوف ..
إلا الكفوف ..
بعض الكفوف خِلْقت وداع ..
يا هي جمر ..

و إن كان لك خاطر تمرّ ..
عطني خبر ..
عطني من اللهفة عمر ..
لأجل أنتظر ..
.
.
و كلّي شبابيك .!

 

[ماجد العيد]

هو وين باقيك ؟!
إذا في يوم وعشقت ..
و إذا في ليل و غرقت ..
و إذا هَدَبْ نادى عليك ..
هو وين باقيك ؟!

هو وين باقيك ؟!
إذا في حبّك نطقت ..
و إذا في حسّك صدقت ..
و بانت لها في محجرك ..
صورة ألم ماضيك ..
يا وجهها باين عليك ..
و يا جرحها يصرخ يبيك ..
هنا هْمِسَتْ محبوبتك ..
هو وين باقيك ؟!

يا أغرب الرحلة معك ..
ما تبتديك و تنتهيك ..
وهي رحلت ..
يا قلبها اللي ضيّعك ..
اصرخ لها تردّك عليك ..
دام إنها عنْك رحلت ..
وش تبي فيك !!

 

[ماجد العيد]

ودّعيني .. وِدّ عيني ما أغيب .!

 

[ماجد العيد]

قد مَـ اعتب ..
قلبك اللي ما لقاني ..
إنته تعتب ..
و قد مَـ اشرب ..
هـَ السهر حلم و أماني ..
السنين ..
هيّ اللي تنضب .!

و آنا مدري لو أحبك ..
و إلا فيني بعض قلبك ..
الأكيد إني في دربك ..
آتعذّب ..

جمّعتنا هَـ الأماني ..
و فرّقتنا هَـ الحظوظ ..
وين أبلقى لي مواني ..
و رحلتي فيها غموض ..
رحلتي للحب ..
مَهْرَبْ ..

مو غريب إني فـ دربك ..
أبتدي الخطوة بـ ضياعك ..
الغريب آنا و قلبك ..
لاجتمعنا في وداعك ..
كان هَـ الإحساس ..
أغرب .!

* شكراً لمن أرسل الصورة .!

 

[ماجد العيد]

مو اشتياقي ..
مو هشيمي و احتراقي ..
أشعل الظلمة غياب ..
ومن غيابك لا تهاب ..
قد ما للفرح لحظة ..
قد ما للحزن باقي ..
مو اشتياقي ..

لا تراهن في غيابك ..
إني زهرٍ عنك يذبل ..
لو قفلت الليل بابك ..
كل نجمٍ عنك يرحل ..
السماء ..
حيّز عتابك ..
السماء بعض اختناقي ..
مو اشتياقي ..

أعرف إنك تهت فـ الظن ..
منظري .. حزني .. عتابي ..
بس صدقني و تِيَقّن ..
ما هو إلا من غيابي ..
دام قلبك صعبة يحزن ..
قلت أنا أحزن فراقي .!
مو اشتياقي ..






* شكراً ريما .!