على درب الغياب

[فاطمه البلوي]

على درب الغياب اللي نحر صمته ضجيج اشفاي
وقفت ارقب (سراب )الغايبين ورحلة سنيني
افتش في غياهيب الخيال وتستبق لخطاي
تناهيد الضلوع( ودمعةٍ) مابيني وبيني
مع سيل الحنين اللي جرف قلبي وجاب اقصاي
ندهت ومالقيت الا بقايا (قلب)يرثيني

 

[فاطمه البلوي]

ياهاجسي ماعاد لسّاريه سرج
لاتمتطي جرحي وانا به كفيله
لاتفتش الماضي ولاتفتش الخرج
ادخل على الله لاتزيد الثقيله
كم لك مسريني مع المفرق الحرج
الد (عيني ) والمساري طويله
ليلي ارق وبداخلي ماكثر الهرج
حصيل قلبٍ كل حملٍ يشيله

 

[فاطمه البلوي]

علموهم كيف حرف ( النون ) حيه حيه
يرتقي فوق (السحاب )المعتلي ويضمه

مانخاف من (الذيابه )لا عوت ليليه
لو عوا ذيب الخلا دايم يخاف من امه

 

[فاطمه البلوي]

فمان الله ياواقع حزين وليل ماله شمس
فمان الله ياعجاف السنين اللي عثت فيني
ابقفي واحتضن حلم السنين وذكريات الامس
وشرهات الخفوق اللي تقطع من شراييني
مدام ان الهقاوي مالقت بارض الاماني رمس
بتوه بعالمي واخفي عن الواقع عناويني

 

[فاطمه البلوي]

ياهاجس الشعر سريني مع القمراء
باسري على ضوها وعزف مواويلي

مدامها موجعه بالصدر كالجمراء
والجرح ينزف وليلي ماهنا ليلي

تلاعبت بالخفوق احلامي العذراء
وتزاحمت بالجفون ابسط تفاصيلي

ومابين جفن السهر والصمت والجهراء
هليت دمعي الين اغرق مناديلي

 

[فاطمه البلوي]

الاياطير مااحنا
سواجعبة حلم منظور
نجاهد لو ملامحنا
تبين فرحنا المكسور
ورغم الحزن مابحنا
نجامل والخفى مستور

 

[فاطمه البلوي]

ابشري يالدار ماعنك انتهرب
ابشري بالعز يالدار الاصيله
وانثرى وردا من عروقه تشرب
من دما الشجعان من فوق الكحيله
اطنخي في عهد سلمان المعرب
والعضيد اللي سبق عصره وجيله
السعودي للبعيد وللمقرب
يرتكى للحمل ويشيل الثقيله
من سنين ماضيه سيفٍ مجرب
نوخ العاصي ورام المستحيله
خيرنا يلقاه من شرق وغرب
كاسبين الطيب وعلومن جميله