الحظوظ السود

[غازي بن عالي]

السلام عليكم
.
.
صباحكم رضا ومحبه
.
.
لكم الشوق العارم يالابعاديين
نص متواضع
اتمنى ارتقائه للذائقه
.
.


ياضيقتي والجروح شهود
من زود جورك لي اضدادي
عشتك قهر من قديم يزود
في داخلي جمر .. وقادي
ياضيقتي وش بقالي زود
لا ضقت صدرت للوادي
الوادي اللي سكنه العود
مات وتركني على سهادي
العام اخايل فرجك يجود
لا تجتنب .. يوم ميعادي
لا تقول لي جودنا ماجود
ماجاد من جود الاجوادي
حظي .. اعرفه قليل الفود
ماذاد لو .. قلت .. انا ذادي
عايش معي من زمان جحود
مقرون .. فيني .. بـ ميلادي
ياغربتي .. والملاذ .. عدود
يبست رواتك على جهادي
جيتك اسوقك على المردود
واثري على .. الوهم مهتادي
مالي ومال الحظوظ السود
دامي معك صرت انا الغادي
بغيتها .. لي .. بس .. تجود
وجادت لـ غيري على الهادي
انشهد اني .. انا .. المقرود
من يوم .. صدرت .. للوادي

.
.

كل الحب

 

[ساره عبدالمنعم]

صح الفكر
مبدع

 

[عبدالإله المالك]

وعليكم السلام ورحمة الله وبركاته
صوت هادىء وهدير غامر بالمشاعر الوقادة
حييت يا غازي