وقفة ملك!!

[هجاج الوسوس]

مصافحه أولى لبياض قلوبكم

[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وقفت..قبل الرحله المحتومه=بأطلال عشق(ن)..عالي(ن)مرقابه
وقفة ملك..بجيوشه المهزومه=قبل الرحيل..بروحه المنصاااابه
تنزف جحافل جيشه..المكظومه=الحظ خانه..والزمن ضحابه
عرشه يطيح..وروشن المحشومه=يشّعب..على درب المغيب إركابه
بآخر مشارف..روح(ن) بحلقومه!=الركب..حادية النوى..تحدابه
حبيبتي..ودروبي المشئومه=من يقنع التاريخ..يغلق بابه!
والعاشق..اللي صار فارس قومه=ليتك تشوووف..الوقت وش سوابه!!
يطيح به ثقل الحمل..ويقومه=يموووت برد..ويدفي الحطابه
يركض نهاره..فيه..ركض همومه=والى استجن الليل..لاح أحبابه
تضيق من ضيقه..عليه اهدومه=وينحر لطيفك نومه..ويشقابه
والله لولا شيمته..وسلومه=إن يكتب..اللي يتعب الكتّابه
للعالم إلا قلب! هالملغومه؟!=قلب(ن)..حمامة قلبي..بمخلابه!
والدسكره..وأطلالها..وأرسومه=تسّبر شغف..عين الرجا غيابه
غفوة..مفارق طرقها..المفطومه=تصحي..على نقل القدم..بأهدابه
لبيييه يادوله..هلا ياحكومه!=سلام خذ!..للفتنه الجذابه
طلتك نور(ن)..ماتبين نجومه!=مسك(ن)..تكدّس في سماي أسرابه
تمر بأطراف السماء..وغيومه=ويفزّ قلب الغيم..للسبابه
وبأطراف غيم الحب..والديمومه=حطم بعضك..طموح بعض.. وهابه
محروم..وجروحي..بعد محرومه!=والوقت لمّ الحزن لي وجابه
لحظه..دخيل جروحك الملطومه!=ولهك راهب..ضاق به محرابه
طعنتني..بالخنجر المسمومه=والسيف..هذا السيف..دوك أنصاابه!
في ذمتك..والشذره المثلومه!=روح(ن) تموت..وقاتله يحيابه
عينك بعين..اللي سبيته نومه؟=نظره!!تبين العالم النصااابه!
دام أسعد حروف الهجاء..المضمومه=تجبر..ويكّسرغيرها أستعرابه!
لاتروح..وتروح السماء..منجومه=ويروح دمي..في عروقه لآبه!
لعنة..فتن كل النساء..معزومه!=والنور..يحسب وين راح أحسابه
ياقوّ قلبه..يلعن آبويومه=أجرامها..منهو نوى صلابه
سلهام خرسه..لاسطن سهومه=عزي لقلب(ن)..يدّرق بأحدابه!
وأسوار ثلج..السمّره المظرومه=لولا نبيذه..ساح ثلج أعذابه
لا زف لأنفاسه..حشا يشمومه=فرزاتشي..قزاز..طاح أطيابه
مطلع قمر نحره..بغصن أكرومه=عرشين تين..الكبريا تنتابه
كنه يطالب بالتحرر..يومه=يدفع بعمره قدم..لبّا ألبابه
وهظيم خصره..حلقة(ن) معدومه=تجريح ناعم جيده..من أثيابه
والى تمخطر..وأبترم مبرومه=هين أنا !..وآبري حال أترابه
وأن ذاااب فستانه..على مرسومه=شف عاد..لآمن الهواء قفابه
كن الحرير..ان غاص في مضيومه=غريق..ويدين النجاه تهابه!
من كل ساحر..بالسحر مدعومه=ثووورة أنوثه..طاغيه..خلابه!
خط أستوائه..لاأستوى مكتومه!=يدني عذوقه..وأخرف لعنّابه
كل الفواكهه..فدوة المقضومه=قلبي..عليها ساااال دم إلعابه!!
ياهوووه..من ذابن عليه.علووومه..=عليك..دمّا شفتينه..ناااابه!
ماعاد فيني حيل..يامهظومه=الروح ذايبة(ن) عليك..أذوااابه
مظلوم..وأنتي..ظالمه مظلومه!=غريب..وأنتي..ذايبه مرتابه!
مدري..أعزّا...فيك يامرحومه!=وإلا أهنّا..وترقص الخشابه![/POEM]

 

[سلطان الدوسري]

وانت ملك ..
.
.
حين أقرأك أجدني في جنبات الشعر بأكمله ..
وحين أسمعك أجدني في عالم ٍ " ثجّاااااااج " ..
لذا لابد من الإستعداد حين قراءتك ..
.
.
صح كلك .. وسلملي عليك ..
.
.
احتراماتي

 

[عمر غربي]

.


هجاج الوسوس



ابداع من نوع اخر

لايجيده سوى امثالك

ارتشفت ابداعك ولم ولن ارتو منه

صح لسانك مليار

 

[خالد صالح الحربي]

*




هجّاج أهلاً بك وَ بالشعر..يَداً.. بيَد..
وأكتفي بالتعليق
مُتفرّغاً للتحليق.

 

[يزيد الماضي]

لايتقنها سوى هجاج فقط.....!

 

[سلطان ربيع]

أربعون بيت ونيف
مسبوكة , محبوكة
ليس بالأمر الهين

أهلاً بك وبمقدمك
تتشرف أبعاد أدبية بتواجدك
حضورك من نور
ومشاعرك عطر
سكب المطر من أعالي هامات الشعر .

 

[ظافر الهرمسي الهاجري]

أهلا ً بك ِ يا هجاج

أستمتع كثيرا ً وأنا أقرأ لك َ

وها نحن اليوم هنا تتقاطع بنا الامكنة

وتتألف الأفئدة مع الأخوة كذلك هنا

حياك الله ..... وحيا الله قصيدك العذب أخي

 

[نواف التركي]

هجاج


وأي غيمه ممطره

تلك التي أسقت جدب الشعور والشعر معاً


الله عليك

صح قلبك


ودمت بخير