فيك يا عـذب اللمى قلبي يهيم
وكم يهيم القلب في عذب اللمى
انت من يحلى بعين أحلى نديم
وياخذ أحلامه إلى عرض السما
والله إني يا حبيبي من قـديم
كنت عايش في ظلام وفي عمى
ما خـذا قلبي هوى ظبي ٍ وريم
ولا تعـلقـت الأمـــــاني إنما
يوم شفتك كاشفٍ لي عن سديم
بردت عروقي عقب طول الظما
واهني اللي على وصلك مقيم
ويشرب احساسك إلا منه همى
في عيونك جنتين ٍ من نعيم
وفي خدودك ورد من حسنك نما
وفوق متنك شعر يلعب به نسيم
كل ما شفته دريت إنك ( لمى )
من يعاتبني على وجهٍ وسيم
ومن يوبخني على حسن ٍ سمى
صبتني بسهم ٍ رماني فـ الصميم
رمية الواثق إلا منه رمى
آخر المشاركات
05-26-2014, 10:09 PM
عذب اللمى
العرض الشجري