لاتسولف عن اللي عارفه من زمان
انت فهم ضميرك عن غيابك عذر ؟
انتظارك على طول الليالي هوان
كني اللي موادع وانت سكة سفر
عاد كل القصايد عزف عود وكمان
واغنية من جفاف واغنيه من مطر
كل قلبً رفع .. للحب راية حنان
ما يلومه حنينه لو تعلق عطر
وكل قلبً يحس انه مساحة امان
مايحس بشعور انه مجرد وطر !!
وانت لامن فقدتك جيت ذاك المكان
كني القاك به لو ما انت يمه تمر
اااه ليت الزمان اللي يجيبك زمان
يوم تعطي ضلوعي من حنانك عبر
بين لحظة وقوفي والثبات امتحان
كيف هذا الشعور المنهزم منتصر
كان دمعة عيونك وردة الزعفران
هات فنجال عذرك قهوني واختصر
والله اني معاك ودون هذا البيان
كل دربً يجيبك .. من علو لحدر
لكن الله حسيبك والله المستعان
والله اللي على مثلك يجيب الصبر
آخر المشاركات
12-25-2016, 07:48 AM
أغنية من جفاف وأغنية من مطر!!
العرض الشجري