((( المال .. عز او ذل ))) موقف شخصي

[فهد الغنام]

بسم الله الرحمن الرحيم


مساء الخير للجميع ....


المواقف الماليه دائما ما تنتهي بالخذلان... كثير ما تتوقع من شخص الوقوف معك في هذه الامور ولكن تكتشف عندم تحتاجه عكس ذلك تماماً ...


(((... المال ...)))

[POEM="font="Simplified Arabic,4,black,normal,normal" bkcolor="white" bkimage="./images/backgrounds/.gif" border="outset,4,gray" type=2 line=0 align=center use=ex num="0,black""]الطيب في راع الظلايم ظليمه = والطيب في راع النقاء يشرح البال
والكذب سقم (ن) فالعقول السقيمه = والصدق منّجاة الفتى يوم الأهوال
والكبر هاجوس النفوس اللئيمه = وألاّ التواضع للفتى عز واجلال
وترا الحسد راس الصفات الذميمه = وراع الحسد دايم خبيث(ن) ومحتال
وبيع الشرف بالمال ذنب وجريمه = منبوذ من عصر الجهاله ولا زال
ونقل الحكي بين الأوادم نميمه = ولا ينقله يا كود خبل (ن) و جهّال
قول(ن) عظيم ومن رجال عظيمه = ما نيب أقوله قيل قبلي بالأمثال
المال بيدين النشاما عزيمه = والمال بيدين الردي ذل واذلال
ومن لاعطاه المال عز(ن) وقيمه = ليت الفقر حده على نايف الجال
ما ينصا رجل (ن) يذب الخريمه = ولا ينصى باللازمه غير رجال
وإن كان ما تقضى اللوازم بهيمه =أخير لك تضفي على راسك الشال
لا قلت سم ولا رفضت بحشيمه = ولا للمعزه والرجاء فيك مدخال
لا وا حسايف عشرة (ن) لك قديمه = تبي تبيعه يا اسود الوجه بريال
انت تحسب الدنيا حياة (من) مديمه = اذهن وراك الموت قصاف الاجيال
العمر يمشي والليالي مقيمه = وعن منزل الدنيا لك القبر منزال
ان كان ما تاخذ مع الناس شيمه = لا مت ما يدفن معك غير الاعمال
في كل يوم (ن) ترتجي للغنيمه = المال يذهب والبقى صحت الحال[/POEM]

فهد الغنام الشمري

 

[يزيد الماضي]

أحسنت

قصيدة أصيلة من رأس أصيل

صح لسانك وعلا شانك

 

[ريم علي]

الله يافهد ...الله

صدقت .....

صح قلبك على هذه التحفة الشعرية القيمة

 

[يوسف الشلاقي]

يا سلااااااام عليك يا فهد


راااااااائعة جدااا

المشاركة الأصلية كتبت بواسطة فهد الغنام

[POEM="font="Simplified Arabic,4,black,normal,normal" bkcolor="white" bkimage="./images/backgrounds/.gif" border="outset,4,gray" type=2 line=0 align=center use=ex num="0,black""]
المال بيدين النشاما عزيمه = والمال بيدين الردي ذل واذلال
[/POEM]

حقيقة ,,,,,

 

[ثاني الدهمشي]

صادق وربي يا فهد ..

درر .. وكلام عال العال ..

اقبل السلام والاعجاب

 

[سعود سالم]

فهد

صح لسانك ولاهنت

نص جزل

دمت بخير

 

[فهد الغنام]

المشاركة الأصلية كتبت بواسطة يزيد الماضي

أحسنت

قصيدة أصيلة من رأس أصيل

صح لسانك وعلا شانك

=============================================

الاخ العزيز يزيد الماضي ... مرورك اسعدني يالغالي ..



الله لايهينك وتسلم على كلامك الجميل ...


صح بدنك ولا هنت ...



تحياتي

 

[نايف السعدي]

فهد الغنام
قصيده رائعه وكلمات صادقه
استمتعت بهذا النص
لك الشكر