شعراء أبعاد المشاركين في شاعر المليون هذا العام

[عطْرٌ وَ جَنَّة]

.

.

.

كلّ الأسماء وَ القصائد هُنا على قدرٍ كبيرٍ من الدهشةٍ والبهجةٍ ../ وَالمطر
مايجعل [ أبعاد ] تَرفع رأسها عالياً بهم ..وتقف معهم ولهم بالدعوات والتمنيّ
بالتوفيق !

شُكراً ياأكرم ..لأنّك كريمٌ جداً / سخيٌ جداً
وتملأ المكان كافةً بِطيبك وخيرك ,

.

.

.

 

[أسمى]

بالتوفيق لهم..
..
فعلاً..سننتظر علّوهم وتقدمهم بِ شَغَفْ.

كُل الشكرلك..أكرم.

 

[أكرم التلاوي]

بركات الشمري

[poem="font="simplified arabic,5,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شاعر أنا ياحنين الأمس محتاجك =أبغاك لامن طرقت الباب .. تفتح لي !

مشتاق والله كثير لراحة إزعاجك =مشتاق أحسّك مثل ماكنت تفرح لي

ماتذكر الحلم يوم ينام بـ ادراجك =تعال فسّر غيابه ليه !؟ واشرح لي !

مشتاق أداعب بحرك وألمس امواجك=مشتاق ألامس عميقك وانت تسبح لي

تعال واشعل بصمتي كلمة سراجك =تعال لكن إذا ماجيت لك ... رح لي !!

ماجيت أجمّع جروحي قاصد احراجك =جيتك أببكي وابيك الحين تسمح لي !!

بـ بكي على الناس والإحساس لاماجك=بـ بكي على الموت يوم إنه يلمّح لي !!

بـ بكي على الجوع والموجوع لاداجك=بـ بكي على الكون والمدفون في وحلي !!

بـ بكي على الروح والمجروح لا هاجك =بـ بكي على الحب يوم الحب لوّح لي !!

ياخطوة الحلم نامي وسط ديباجك !=وإلا اتركيني .. وخليّ الدرب .. وارتحلي !!

الموت لامن بكيت وجيت .. محتاجك !=وطرقت بابك .. ولابه ناس .. تفتح لي !!


[/poem]

 

[أكرم التلاوي]

عبد العزيز المالكي

[poem="font="simplified arabic,5,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خيّل لِيْ هـذا الوقـت يـا صاحبـي شـي= إن السُحب /. عصفور /. واصابعي ريـش
حتّى نبَت في دفتري . . هـالشعـر حـي= واسرفت تأويله ولا شفـت بـه ./ عَيـش
جيتك تعب / . فـي هيئـة انسـان للفَـي=وارتاح جُهـدي بيـن حائـط /. وتهميـش
سِرحان /. دخّن وأنفـث الليـل يـا خَـي= جدة في حالة سُكْر /. تحكيك /. عن وَيش ؟
سِرحان /. تكفى قلت لك شـف لنـا شَـي= ينفض صغار الجوع عن ضيق هـالخَيـش
طفران / . لين الهم لَـنْ مـا معـي لِـي= مخنوق كثر المعمعة /. لا تقل /. ليش . ؟!
مَلّيت / . امُـرّ البـال فـي ذاكـرة مَـي= والقى العطش في حاوية ( فَمّ ) / درويـش
شِف هـالرصيف النيّ في شـارع الحـي= والعابرين اطلال /. واحيـان /. تشويـش
خلّك / . من الإحساس يـا صاحبـي بِـي= ودّي ..! أحس انّي بلا قلـب / . وآطيـش
أملا فراغ الكون / . ثم / . اشعـل ايـدَيّ=عند الكتابـة لا امتلَيـت / . ابـ/خرابيـش
يمكن أكِنّ الضيـق وازفـر / . كـذا أيّ .!=ريحٍ حزينه تعـوي ابصـدر هـ/. العيـش
محتـاج أقـول: إن البحـر مغـتـرب زيّ= حلمٍ دعيته /. طفـل / . واتعبنـي تطنيـش
[/poem]

 

[أكرم التلاوي]

عادل العسيري

[poem="font="simplified arabic,5,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تخيلني أجير بلا وطن مجحوده أتعابي=تخيلني صغير وهالزمن مايحتمل كبره

تخيلني من الاحباط عيني تخاف أهدابي=تخيلني من الاحزان مالي وجه من بكره

تخيلني من شكوكي أخاف جيوب اثوابي=اخاف تخبي أقداري وأكون بهالزمن عبره

تخيلني كذا وحدي معي حزني على ترابي=معي (اللاشي) وافخر به واعده شي واعتبره

تخيلني ونا اكثر شي فيني كثرة اصحابي=ادورهم فكومة قش والعن ضيعة الابره

تخيلني وهذا البرد وحده واقف ببابي=تخيلني وانا قلبي فتح له ابواب من صدره

عتب ياعَتْبة أبوابي اذا مروا هنا احبابي =وقالوا اللي يحب دايم قدر قلبه هنا يكره؟

سوالف ناي وغصون الشتا وتْطير اسرابي=واغني حلم كان اش كان والله صدق مفتكره

على خبره وانا ذاك النحيل ان طول غيابي=بعد وان طول غيابي نحيلك هو على خبره

كثر مااتنفس غيابه كثر ماتتلف اعصابي =كثر ماحيلي المهدود يشكيني على ذكره

هنا كان ارتحاله صعب واصعب منه يبقـى بي=هنا كان الزمن شامت يردد لي على فكره !!

ترا من حب له حلم وخيال العالم الغابي=مثل من راهن لمسك السراب بحفره لقبره

كذا يعني بغني الاه لاول سطر ف كتابي=كذا و فـْ اخر كتابي بجف وينتهي حبره

تخيلني بلا موطن غريب وسقفي ترابي=تخيل كيف بتخيل كذا بدونك يجي بكره ؟؟
[/poem]

 

[أكرم التلاوي]

عبد الله سماح المجلاد

[poem="font="simplified arabic,5,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
رحل حلو المنام وما طرق باب الجفـون انعـاس=نسيت النوم بعـدك والسهـر يستوطـن اجفانـي
وحَكَتْ عين الغرام وسال دمع الحبـر بالقرطـاس=يسولف عـن غيابـك يالخفـوق اللـي تناسانـي
أقول امحاك يكتبـك الشعـور بدفتـر الإحسـاس=واقول انساك لكن مايغيب اسمك مـن ال(سانـي)
رحلتي ليه وانتي للجسـد روحٍ تفيـض انفـاس=رحلتي ليـه وانتـي ربعـي وناسـي وخلاّنـي
وحشتيني كثير( وذبت) شوق ال(سودك)( النعّاس)=وانا من يوم غبتـي ماسقـى الهتّـان ريضانـي
تهيجن لك جروحي والشعور المغتـرب عسّـاس=وَلاَ بان الربيـع وماتـت مـن الجـدب قطعانـي
وربي من رحلتي وانقطع جذر الوصـل بالفـاس=هرج ليل العذاب وصاحبـي ضيقـي وحرمانـي
(نعم) بَعْدِكْ وحيد(وطبع عيني) ماتشـوف النـاس=(نَعَمْ)(بَعْدِكْ) غريب وموطنـي ترسانـة احزانـي
(نعم) بعدك جريح (تَعْبَثْ) اب(فكري) يَدْ الواسواس=بليـلٍ فيـه همّـي يفتـرش طراحـة اشجانـي
يِسَرِّيْنـي لِوَجْهـك والـدروب الهـمّ الهوجـاس=وفيها اطرد خيالك والوهـم لـه صـوت نادانـي
تسافر بي عيونك يـوم تسرقنـي مـن الجـلاّس=وتكتبني غـرام وترجـع مـن الشـوق تقرانـي
وانا الطفل الفقير اللي رسم وجهك على الكـراس=رصيدي صدق حبٍ يجري ابْ(دمـي وشريانـي)
فقير المال (لكن ) كُنْت / مُرهف/عاطفي/حَسّـاس=ثري جـداً بمخـزون الشعـور وقلبـي الحانـي
عطيتك مـن كنـوزي دون تحديـد وبلامقيـاس=مـن البحـر الغزيـز وقلـت ذا درّي ومرجانـي
زرعتك من صباي وكنتي النبتـه وانـا الغـرّاس=أساقيـك الغـرام وينهمـر لـك مـزن وجدانـي
وكُبَرْتي بالفؤاد وما افترق غصنك عن النسنـاس=وِمشت معنا الظروف ونَسْمِتِكْ تستعذب اغصانـي
وبِدَتْ وردة جمالك تَزْدِهِرْ ويِغِيْـر عقـد المـاس=من الخصر الرهيف ان ميلتـه الريـح واغرانـي
معي كنتي قريبـه مثـل عينيـنٍ بهـذا الـراس=وانا استوطن عيونك مامعاي مـن البشـر ثانـي
كذا كنت الْمُرَفّه قبل ما اشـرب لوعتـي بالكـاس=قبل (جُرْم) الوداع وقصّة المجنـي مـع الجانـي
لو ايعوّض غيابك ياذهب بيض السنيـن انحـاس=ماكان الورد ماتـت بسمتـه فـي ثغـر بستانـي
(تركتي لي غلاك)( وجرح فرقاك) وخيوط اليـاس=وتركتينـي شماتـه تتضـح بعيـون عـدوانـي
[/poem]

 

[أكرم التلاوي]

عبد الله الحميدي

[poem="font="simplified arabic,5,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
باقي عطر : (كـارون) .. ذكـرى بعيديـن=هو, وملامح وقـت.. ترجـع مـع الوقـت

هـدايـا ناس.اتـذكـرك نــاس ثانـيـن=كنّـك : كذبـت اتسلّـي نفسـكْ ..وصدّقـت

صديق راح..ابعد من : منين؟ .. ولـ: وين ؟=وإن راح لـك صديـق .. كنّـك تفـرقـت

مـا اهدانـي الا /افكـار ضيقـات ناسيـن=بعيـوب طبـعٍ ..ومـن طبوعـي تشققـت

صرت ورقـه بيديـن عابر..مشـى سنيـن=لا..والله الاّ..صــرت طـفـل /وتعـوّقـت

لـه عـام رايـح.. عام..وتقـول يوميـن=وضميـري يدفعني..لـو انـي له..انسقـت

لامـن هـرج تسمـع سواليفـه العـيـن=مـن لمحـه وحـده فيـه / تلقـاك دققـت

عليـه قلـبـي مـاهـو محتاج..تحنـيـن=احنّ لـه..واذا سلـى هـو .. انـا اشتقـت

احـسّ فـي ممشـاي له..تحتـي الطـيـن=واصلـت/ ماوصلـت ... ابرجـع/ توهقـت

دريـت عقـب مفارقـه إنّــه : اثنـيـن=الثاني / مظلم ..مهما انـا جيـت واشرقـت

والاول .. يغلـي فينـي الزيـن والشـيـن=والثانـي خـلانـي مـعـه.. ماتوفـقـت

يعـرف مـزاجـي زيـن..واقـدّره زيــن=من بعـده ان ناظـرت باحوالـي.. اشفقـت

صعبـه..إذا تصعـب علـى نفسـك بحيـن=والاصعب انـك وانـت فـي ضيقتك..ضقـت

وشلون اعرف الذنب..والوضـع تخميـن ؟!=كـلّـي هروج..وبالمـلامـح تنـاطـقـت

ساكت ويبقى الحكي..من عيـن الـى عيـن=يحكى ونيـن ..ولاغشـا السمـع/ عرّقـت

ارثـي صـديـق..ولازم اكـتـب بعينـيـن=لاصـدت الاخـرى.. بـالاخـرى توايـقـت

ولاصار بإحساسي له ..احسـاس مخطيـن=وين النظر ..وانا مـن اقصـاي /دنقـت؟ !

يذبح احسـاس ( اللـي امسّويـن ساليـن)=الذكـريـات الثابـتـه كنّـهـا : الـوقـت

وبعـض الاغانـي.. ذكـريـات المقفّـيـن=وبعـض العطـر لاسال..كـلّـك تدلّـقـت

مبعـد .. وكنّـه : ديـرة اقصـى بعيديـن=حتى لـو انّـي مـزن ... دونـه تفرّقـت !

[/poem]

 

[أكرم التلاوي]

عبد الله التومي

[poem="font="simplified arabic,5,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياقلب لاتحزن ولايلحقـك فـي الدنيـا همـوم=ترا الحمـول الكايـدات تهـاب مـن حمالهـا

دنياك لوبتجيك يـوم تصـد عنـك كـم يـوم=واللي عـرف لميولهـا غنـى علـى موالهـا

والحـظ لوياقـف معـك فلاتحسبنـه يــدوم=هـذي غرابيـل الزمـن فـال الله ولافالـهـا

أبطيت ماجاني مطـر والعيـن ترقـب للغيـوم=وانـا اتحـرا مزنـة مـالاح لـي همالـهـا

والذيب يوم أنه عوا من فوق عسرات الرجـوم=يفض مـن صـدره همـوم خابـرن منزالهـا

وانا لوأني مارقيـت الرجـم والحـال معـدوم=والصدر في وسطه علـوم ماتسـر أحوالهـا

النوم عيـا لايجـي واسامـر بليلـي نجـوم=أكتب قصيدي واطـرد أحزانـي وارد أشتالهـا

الشعر في فكري طلاسم شاعر(ن) عاش محروم=أبهـر دلال المشاعـر واحتسـي فنجالـهـا

مايملي عيون الرخوم بهالزمن غيـر الرخـوم=طبع الطيور اذا بغت تاقـع تشـوف اشكالهـا

والرفقة اللي ماتداوي الجـرح وتسـد اللـزوم=ان مانفعنـي قربهـا ولا قطـعـت حبالـهـا

شله تحت جنح الظلام أنيابهـم مثـل السمـوم=تغنيك عنهـا قـل شيمتهـا وسـود أفعالهـا

ناس قضى وقته على جمع الدراهم والهـدوم=ماتنفعه يوم الحشـر كثـرة رؤوس أموالهـا

والطيب اللي لاظلمك الوقت مـن حيلـه يقـوم=هـذاك عملـه نـادرة الله يـزيـد أمثالـهـا

والجود في الدنيا مداهل للرجال اهـل العلـوم=اللـي ينومـس فعلـهـا لاقالـهـا قوالـهـا

قبل أمس كنا في زمن أهل المراجل والسلـوم=واليوم صرنا في زمن أرقـص يسـرك حالهـا

يعني ياقلبي لويزيـد الحمـل وتزيـد الهمـوم=ماللحمـول الكايـدات ألا ظـهـور جمالـهـا

[/poem]