تعال واكتب حالتك/لحظتك شعراً ..!

[سليمان عباس]

اصرخ شعورك حرف
وأعزف بصمتك
لا من نزف عرقك حبر
تابع النزف
ولا تترك الصفحه
ولا تغمض الطرف

 

[ضياء شمس الأصيل]

...

طاح القلم وجفت عروق الدواة
والحبر الأحمر ينزف من شهقة وريده

والضحكه طاحت من على ورد الشفاة
خلت زماني صار يتنكر وليده


...

 

[سليمان عباس]

نتنمعم بخيرك ..ما به عطى الى عطاك
لا رب لنا غيرك ..ولا اله لنا سواك

 

[نورة القحطاني]

‎لوعة غياب وحزّة أفكار وشرود !
‎الليل ملهم والمشاعر قصيدة

‎أحاول أكتب وأمسح الشطر ويعود
‎يغرس سهام الذكريات البعيدة

 

[إيمان محمد ديب طهماز]

ياليت بين يديّ مرآة ترى
مافي قلوب الناس من حقدٍ دفين

 

[سليمان عباس]

‏أحذر تخاوي من هو بالوجه رجّال
خـاو الـذي لاطحـت تفـداك عينه

السيف هو السيف انواع واشكال
سيفٍ شطير وسيف بالبيت زينه


منقول

 

[إيمان محمد ديب طهماز]

لاتشكو للناس جرحاً أنت صاحبه
لا يؤلم الجرح إلا من به ألم

 

[ضياء شمس الأصيل]

...

بدري عليك اللوم ياضايق البال
قلبك تحمل ضيقته وانكساره

مايفرح بحزنك سوى ناس عذال
والا الرفيق يذوق مثلك مراره

هيا كذا الدنيا سهالات واهوال
تاره تبسم لك وتبكيك تاره

فيها بشر عانت لاجل تبني اجيال
واشخاص عاشت لاجل تبني عماره

ريّح اركابك جامل الناس واحتال
على شعورك لاتبين دماره

وسرك لو ان تكشفه صار جوال
الناس تبغى الاكشنه والاثاره

ماكل حزنن يسكن القلب ينقال
بكره يدور اسمك على كل حاره

ولانتب اول شخص قالو بالامثال
النار دايم مبتداها شراره

اضحك ابوجه اعداك في كل الاحوال
لاجوك مقصودين سو استداره

خلك مع المحتال غامض ومحتال
ومع طرقته دامه امجاريك جاره

لو قال كيف الحال جاوبه بالحال
وضح له انك مبتهج بالزياره

ولاراح مايمنع لو تجر موال
جرة غريبن وده بشوف داره

وش تنتظر من ناس ماعندها اشغال
ناسن تحسب ان المغثه شطاره

وبعض المصايب تفرز اشكال واشكال
تظهر بها الرديان واهل النعاره

ولو تشخل اللي يعرفونك بمشخال
تقول انا أطيب بشر عن جداره

تشوف فزعة شخص ماهو على البال
واللي تهقوابه يسوق اعتذاره

واللي توقف له مواقيف الابطال
يقعد ويشمت فيك خلف الستاره

اياك والحقران في بعض الازوال
وترى الشكل ماهو دليل الطهاره

وماكل رجالن لبس بشت رجال
كم واحدن ماهو بيدينه قراره

واللي يجيك وللثقيلات شيال
هو اللي يفخر فيه بشت الاماره

عليك باللي يلحق القول بافعال
والا الردي خله وجنب مساره

انشهد انه ماكذب واحدن قال
من لايعدك ربح .. عده خساره

...