[ رَصدٌ لِبَرنَامج شَاعِر المَليوْن ]

[شوق علي]

من النصوص المشاركة :

،

الموقف الحاضي يثير إلهامي ..
.. .. .. .. .. .. .. أشوف منه الشارده قدامي
وإليا استويت لْها وأنا أخو صيته ..
.. .. .. .. .. .. .. الله يخلي بندقي وحزامي
من كثر ما نومستها تندبني ..
.. .. .. .. .. .. .. طق الحديد الصلب حده حامي
ناقة عريمان السبيعي ثارت ..
.. .. .. .. .. .. .. وأنا معودها على الدرهامي
تطلع بيدها لشتحن راعيها ..
.. .. .. .. .. .. .. وقامت ترفرف حوله الاعلامي
ولا ينتقص مدح النشامى مدحي ..
.. .. .. .. .. .. .. يحشم جنابي والرجال حشامي
جيت انبذ الاحزاب والقومية ..
.. .. .. .. .. .. .. اللي زرعها راس حزم الضامي
صفقت لابن نحيت سبة فوزه ..
.. .. .. .. .. .. .. وقدمه خليل الشبرمي واليامي
عيال زايد واحتضنهم زايد ..
.. .. .. .. .. .. .. ديمٍ سنا برقه جنوب وشامي
ما مات ذكرٍ يحتميه محمد ..
.. .. .. .. .. .. .. نجم التواضع فالمقام السامي
يفداه من كبره يضيق ثوبه ..
.. .. .. .. .. .. .. ومناصبٍ عقب الدوام صيامي
فطورهم داخل بلاط الدولة ..
.. .. .. .. .. .. .. لقمة مساكين وحلال ايتامي
تشاقلو باسم الإغاثة حاشي ..
.. .. .. .. .. .. .. ولا نزلوه إلا وقده عظامي
فيلمٍ طغى تملك حقوق انتاجه ..
.. .. .. .. .. .. .. بْطانةٍ ترهق بلدها النامي
بْطانةٍ سوّ العمل شوهها ..
.. .. .. .. .. .. .. وغسلي لها دفعة بلى وآثامي
والشاطي المعمور فاتح بابه ..
.. .. .. .. .. .. .. فالحق ينسف لومة اللوامي
صرح مميز بس عيبه فاسمه ..
.. .. .. .. .. .. .. ما فيه راحة والركاب حيامي
تغانمت عدٍ زهى بستانه ..
.. .. .. .. .. .. .. وبذره مشاعر له ثلاث أعوامي
أدنى نتاح الفكر عودٍ مثمر ..
.. .. .. .. .. .. .. يحكي به الخراف والصرامي
وشاعر يبا صوته يصل جمهوره ..
.. .. .. .. .. .. .. يقتص حرفه ريش الرسامي
وتظهر محاسن مهرةٍ يرسمها ..
.. .. .. .. .. .. .. عانق نحرها لجنة الحكامي
من جور حربٍ ضدها تندبهم ..
.. .. .. .. .. .. .. تداركوني لا تموت احلامي

عريمان السبيعي

 

[شوق علي]

/
\
/

..

اومالي البيرق بردنه ولبيت ..
.. .. .. .. .. .. .. يا شعر رزه فوق عالي سطوحك
قدم سمو النفس مهما تحديت ..
.. .. .. .. .. .. .. تنشر شذا نعناعك انفاس فوحك
حي الشقيق اللي بنوره تقديت ..
.. .. .. .. .. .. .. و خيٍ تصاحب بوح قلبه و بوحك
واعتب على هياب ياحيف لاقفيت ..
.. .. .. .. .. .. .. وحجة بيان انثى تروض جموحك
واقف على الاطلال وآنا تعديت ..
.. .. .. .. .. .. .. أعزف نشيد النصر بأوتار نوحك
دام التنافس بك جمعني وصفيت ..
.. .. .. .. .. .. .. للبيرق الابيض ابتعلن جنوحك
من رقة الماء سطوتي دام صبيت ..
.. .. .. .. .. .. .. من قمةٍ اوهى صفاها نطوحك
لكن ترى اقصى غايتي لا تجليت ..
.. .. .. .. .. .. .. اني ألم الشوك عن ظل دوحك
ورثتني ضلع العوج منك واخطيت ..
.. .. .. .. .. .. .. وسرقت من صدرك مفاتيح روحك
ودخلت في وحشة ظلامك ولميت ..
.. .. .. .. .. .. .. سدو العناكب من منافذ طموحك
واشعلت من روحي قصيدة وجاريت ..
.. .. .. .. .. .. .. شمس الضحى اللي طال عنها نزوحك
كشفت وجه الصبح وأنتا تغطيت ..
.. .. .. .. .. .. .. تلزم سريرك لين تكبر قروحك
غضبان لا تسكب على نارك الزيت ..
.. .. .. .. .. .. .. ندمان سلم بالمقدر فـ لوحك
حيران تصفق كف يمكن بـ ياليت ..
.. .. .. .. .. .. .. تعبان حرف أنثى يضمد جروحك
خذ عن جهيزة علم بيتٍ ورا بيت ..
.. .. .. .. .. .. .. فيها غبوقك بالبيان وصبوحك
الشعر كائن حي ما ينجبه ميت ..
.. .. .. .. .. .. .. ينبض بأحاسيسك ويعكس وضوحك
وطردك شتات الراي يملاك تشتيت ..
.. .. .. .. .. .. .. لمعة سرابٍ عن غديرك تشوحك
تكبر ويصغر ثوب فكرٍ تبنيت ..
.. .. .. .. .. .. .. وتزوّر احساس المرارة مزوحك
يا مجتمع كنا تعدى لسويت
.. .. .. .. .. .. .. عمر فجنب اقلاع طينك صروحك
كم عزةٍ بالأثم فيها تماديت ..
.. .. .. .. .. .. .. سودت من بركان غيضك سفوحك
فرق تسد نادى منادي وفزيت ..
.. .. .. .. .. .. .. والوحي بـ اعتصموا جميعا نصوحك
قريت ويلٌ للمصلين و اغضيت ..
.. .. .. .. .. .. .. حصرت عمق الوحي فأبسط شروحك
لا تحبط اجيالك بقصرت واخطيت ..
.. .. .. .. .. .. .. حرر لنا وعيك .. و جدد فتوحك

مستورة الأحمدي

 

[شوق علي]

،
النار غاية والمثابر بردٍ جيوشه تغير ..
.. .. .. .. .. ..كل ما طرق عظم الوسيلة زادت الخطوة هيام
وأنتِ ذهب ياكذبة الأوهام في عقل الفقير ..
.. .. .. .. .. ..اللي شرب من جهده المسكوب روح الانهزام
ندري ربيعك ما وفا والمجدب بقاعه كثير ..
.. .. .. .. .. ..يومه ينادي والصدى ما جاب له فل وخزام
بعدك دعا برق الأماني خيبته واقبل يطير ..
.. .. .. .. .. ..يخطب وداد العاصفة ويرد للراعد سلام
في ليلةٍ ظبيا يلوح بموقها الفكر المنير ..
.. .. .. .. .. ..غنّى لها الشاطيء ولحن غنوته بدر التمام
من دونها انفاسي شعر من صدرٍ بضمه قدير ..
.. .. .. .. .. .. هزوا غصون البوح وتساقط على زوري كلام
يسبق مراكيض الشهيق إليا طرد ركب الزفير ..
.. .. .. .. .. ..وينشد على شفاهي عبارات البداية والختام
ما جيت أعلم طفلة البستان وش معنى العبير ..
.. .. .. .. .. .. جيت اغزل خيوط الضيا بقماش فستان الظلام
هنا جبيني غيم واحساسي من اللهفة غزير ..
.. .. .. .. .. ..بمطر غلا حتى يطول العشب هامات الغمام
حبري سفينة والقلم مجداف والفكرة تدير ..
.. .. .. .. .. ..والريح نبضي والورق بحر ومراسيه الأنام
أنا أبعد أبعد من طموح الاول وهم الاخير ..
.. .. .. .. .. .. وأنا أعمق أعمق من حديثٍ تخنقه عبرة ملام
ودام المعالي مزنةٍ تبحر ورا الليل الضرير ..
.. .. .. .. .. ..بفتح لها سور الفجر واطولها فوق العسام
وأنا لها لكن ترى يبقى ولد ادم صغير ..
.. .. .. .. .. ..وأصغر إلامن طق باب العين سلطان المنام
تعبت أكون انسان غير وصادق الاحساس غير ..
.. .. .. .. .. .. حضنٍ يزم الشمس ودروب السنابل والحمام
مثلي فقيد الفي لا طالت مشاوير الهجير ..
.. .. .. .. .. ..حالٍ يتوه بأبجدياته ولا يلقى تمام
يا كم لوت كلمة قدر في مهجتي كلمة يصير ..
.. .. .. .. .. ..وكم اكسرت عين المحال بوجهتي عين المرام
مشاعري شمعة محبة واعدت نورٍ كسير ..
.. .. .. .. .. .. وعلى كثر مابه أماسي ساح نبض الانسجام
يتسول الضحك بضلوعي يرتجي فرحة تثير ..
.. .. .. .. .. .. بس ما يلاقي غير قوت الضيق من تحت الحطام
لكن مدام احنا اركاب وقسمة الدنيا مسير ..
.. .. .. .. .. .. والعمر صرخة كل ما تزداد تقرب للعدام
بصبر ومدامي بروض البرق وعزومي بخير ..
.. .. .. .. .. ..أبقطف الهملول واصبه على ريق الحيام
وبكحل عيون الأمل إليا عبر وجه المصير ..
.. .. .. .. .. ..جايز عقب جدب الجفا تورق لهَم لحظة غرام
قلته وعشريني سرقها الوقت للياس المرير ..
.. .. .. .. .. ..عذره شعور الحزن يخلق للملا عذب الكلام

خالد الشمري

 

[شوق علي]

،
اصبحت وامست ومرعاها صبر صدر وملامه
.. .. .. .. .. .. .. كم لها نشادة التفكير تنشد عن ذهيبه
ارجهن الصمت يا سيف الحكي (واسرف كلامه
.. .. .. .. .. .. ..عن مقام الضاد) واقتاد الفكر بكر ونجيبه
بعد ما قلت ان فمك القوس ولسانك سهامه
.. .. .. .. .. .. ..مايعيبك منكب القوس الثقيل ولايعيبه
طار من برج السهر ياسدرة الوادي حمامه
.. .. .. .. .. .. .. وان دعاها غصن بيت الشعر ماحطت قريبه
والمسافه شدة مْحيل ٍ قطع قلبه حيامه
.. .. .. .. .. .. ..والدروب لغوب والدرب السهل محمي شعيبه
والبعير اللي يفج الدرب تزهاه المسامه
.. .. .. .. .. .. .. جارد ٍ له مطلق التفكير وخطامه طليبه
شاعرٍ جا يدفعه حلم ٍ تواتر في منامه
.. .. .. .. .. .. .. يستحثه بين حين وحين واحيان يغدي به
من كثر ماعلق آماله على شدة حزامه
.. .. .. .. .. .. ..مومن ٍ بأن الله الرزاق كافل له نصيبه
مرته فرصه وهذي فرصته والعام عامه
.. .. .. .. .. .. ..مثل ماهو عام سبعه واربعين من الكتيبه
والقصيد ان غافل الشاعر ولا حقق مرامه
.. .. .. .. .. .. ..تنحسب له وقفته ولماقفه حشمة وهيبه
ياقصيدي واللسان حصان والحكمة لجامه
.. .. .. .. .. .. ..يالقراح الصافي الثجاج يالغصن ورطيبه
ماذخرتك غير لصدور الرجال وللزعامه
.. .. .. .. .. .. ..والرجال تروم لصعبة وانا شوق الصعيبه
حطني بين اصبعين من الرضى والابتسامه
.. .. .. .. .. .. ..بعد حيانا الفلاحي للفلاح وفاح طيبه
شيخ والله يرحم الي عقبه يوم القيامة
.. .. .. .. .. .. ..ذخر زايد ياعسى زايد لجناتٍ رحيبه
تاج تيجان الفخر والعز وانواط الشهامه
.. .. .. .. .. .. ..ماتبي غيرك يابن زايد خليفه تقتدي به
مثل ما السبع المثاني فالكتاب الها الامامه
.. .. .. .. .. .. ..والسماوات السبع تعلو سبع من غير ريبه
بينهن سبع ٍ غدن للعز والعليا علامه
.. .. .. .. .. .. .. ماعرفتوهن !.؟ نعم سبع الامارات الحبيبه
ياحفيت المجد جيت وجيتي جيت فخامه
.. .. .. .. .. .. ..من فخامة سيد ٍ شرد القـصايد تحتفي به
سيدي عبدالله المامون نبراس الكرامة
.. .. .. .. .. .. ساطي الراس ابن ابي الدولة فخر من يعتزي به
ايه ابو متعب عقال الشعب والشعب العمامه
.. .. .. .. .. .. ..ان تلحف شعبه المحبوب وان تكى حبـيبه
السعودية بلادي هامة المجد وسنامه
.. .. .. .. .. .. ..كف يمنى للعطى وان حاربت كف ٍعطيبه
قاله اللي ماعليكم زود يشهد له مقـامه
.. .. .. .. .. .. ..من بني سامر من الروقة من الهيلا عتيبه

عبدالله بن حديجان العتيبي

 

[شوق علي]

،
قفا نتأمل الواقع على أطلال غايبها ..
.. .. .. .. .. .. ونبكي حال من حالوا عن الدنيا ومافيها
بعد طيب الحياة اللي تهنوا في جوانبها ..
.. .. .. .. .. .. صحيح النفس شهوتها تدنس خلق مرضيها
مشت أقدامهم دربٍ غريبٍ حيل متعبها ..
.. .. .. .. .. .. يلفه غيها بأوهام ٍ يتوه رأس ماشيها
مدام سمومها بيده مع الشريان يسكبها ..
.. .. .. .. .. ..سطت بالأورده وأمست تجول في مجاريها
خذت تفكيره وحاله عن العالم تغيبها ..
.. .. .. .. .. .. يساوم لجلها عرضه عشانه بس باغيها
يسابق ساعه أحلامه ولا يلحق عقاربها ..
.. .. .. .. .. .. يماشي ناس لو يعرف ضررها مايخاويها
شرى من ماله اذلاله وصهوة تيه راكبها ..
.. .. .. .. .. ..وحطم حلم من كانت عليه احلام تبنيها
رحل من مشرق ايام تغرب في مغاربها ..
.. .. .. .. .. ..بلا مجداف لا يمه ولا ربان يقديها
مراكب هالسراب اللي رياح الغي تجذبها ..
.. .. .. .. .. ..تقاذفها بلا رحمه ولايمكن ترسيها
ضياع الباب في روسٍ تمايل في مناكبها ..
.. .. .. .. .. .. يصبحها الضياع ولا ضوى ليله يمسيها
مرض هذا الخبيث اللي بيوت أجواد خربها ..
.. .. .. .. .. .. محى تاريخها وضيع ملامح وجه ماضيها
ياربعي شوفوا البلوى وقولوا وش سبايبها ..
.. .. .. .. .. .. أخاف الآفه الكبرى شعوب اليوم تفنيها
نبي أفعال مانبغى عيونٍ بس تراقبها ..
.. .. .. .. .. .. مدام المشكلة تكبر ولاتحمد تواليها
كذا موسوعة العالم تعلمت بتجاربها ..
.. .. .. .. .. ..قنعت بتجربة غيري ولاني عاد ناويها
قفا نتأمل الدنيا ونستذكر مصايبها ..
.. .. .. .. .. ..نبي من يمسك المجداف لليمه ويهديه

تيسير الزلابية...

 

[قايـد الحربي]

في تعقيب الشاعر [ حمد السعيد ] على نصّ الرائع [ عبدالله حديجان ] قَعّد مُخطئاً بقولهِ :
" يحقّ للشّاعر إعادة الضمير كَـ تابعٍ لكلماتِ القافية "، مُستشْهداً بارْتكاب الآخرين لِذات الخطأ ..
وَ الحقّ أنّه ليس حَقاً .. إذْ الضميْر اسمٌ وَلا إعادة لِـ اسْمٍ في القَافية .- مع يَقيني بِكثرة المُخطئين حدّ التشْكيك بِصوابه - ! .

 

[شوق علي]

/
\
/

سـَ تبدأ الحلقة الأولى لـ 24 شاعر وشاعره يوم الاربعاء القادم..
سعياً إلى الحصول على البيرق ...
مما يجعل المنافسة تشتد بينهُم ...

سـَ نبدأ هنا معكم المناقشة والتوقعات
حول الشعراء ومَن أجدر ومن أقوى ...


إنتظرونا ...


:

 

[شوق علي]

/
\
/

..

ينال هذا الشاعر دعم لا بأس به من أبناء قبيلته ..
بشكل كبير ..

(1)



(2)



مما يجعل منافسته قويه بعيداً عن الشاعريه
لطالما هناك تصويت مُعتمد في هذا البرنامج
ومما لاشك فيه اذا كان هُناك تصويت فهو يسبق الشاعريه ..
وهنا لا أهمش شاعرية ناصر بن ثويني ...
ولكن لـِ أضع كُل قوانين البرنامج بـِ المجهر ...

http://video.alapn.com/view_video.php?viewkey=3c79e62f76cbf9fb277d

/
\
/

- ناصر العجمي - 45 % - متأهل عن طريق التصويت

ودع الصبر المخيم على البال الوسيع ..
.. .. .. .. .. .. وانتبه لا تطرق ايديك باب المستطاع ..
هات روس المستحيلات وأقرنهن جميع ..
.. .. .. .. .. .. أنت جايع والمشاريه من حولك جياع ..
جعل حظك ينبت الورد ما ينبت ضريع ..
.. .. .. .. .. .. صرخةٍ من واقع الحال تعطيك اندفاع ..
خابر إن الضيق فـ الجاش والقلب الوجيع ..
.. .. .. .. .. .. ما درت عنه التباريح وكبود الشباع ..
أمسك الضلع القصير قلم سحر وبديع ..
.. .. .. .. .. .. والدقل باقي ضلوعك تعلق به شراع ..
ارسم البسمات والشمس وأزهار الربيع ..
.. .. .. .. .. .. وأفتخر لو كان ما من عبير ولا شعاع ..
السنين أوحش من الليل في عين الفجيع ..
.. .. .. .. .. .. وأكذب من الذمة اللي مخابيها وساع ..
ليت غايات النفوس العفيفة ما تضيع ..
.. .. .. .. .. .. بين قلة ذات الأيدي وسطوات السباع ..
لا رعى الله من تولى سياسات القطيع ..
.. .. .. .. .. .. استطاب الجمر والجمر ما يصلح متاع ..
وين حق الناس مثل المهادي مع سبيع ..
.. .. .. .. .. .. مزج ما بين التفاني وعلم الإجتماع ..
ينفطر قلب الحمامه على الغصن الرفيع ..
.. .. .. .. .. .. والورق يندى محياه من نزف اليراع ..
كم وديع ٍ مقدر أقول ياهل الوديع ..
.. .. .. .. .. .. بينك وبين الوداعه مساحة واتساع ..
لاتغرك ضحكةٍ في فم الطفل الرضيع ..
.. .. .. .. .. .. آه لو تدري بما بعد ضحكات الرضاع ..
وكم فقيرٍ كل ما حاول إنه يستطيع ..
.. .. .. .. .. .. ما لقى له من يد الفقر تسليمة وداع ..
لو بدا له في الدجا نجم واقتاده وزيع ..
.. .. .. .. .. .. .. تاليته يودع الصبر ما للصبر داع ..
يمكن أن الجرح ما مر في عمره سريع ..
.. .. .. .. .. .. بس عمره مر فـ الجرح من بدري وضاع ..

ناصر بن ثويني العجمي

___


أرائكُم وتوقعاتكُم حول هذا الشاعر وسـَ نعودْ مع
شاعر اخر سـَ / نراه ضمن الحلقة الأولى
في الـ24 ...
لأراء الزوار ...